2 Aydaad 26:14 - NABUWWA KEE MALIKWA

¹⁴ Quddiyya silaacak gob kee macaxuuy amot haan birti-kalabtaay birta isinnik edde waasan birtak bicsen kameesiiy gayse kee gaysê-xaylo kee wanxefit qidoonu waan xeetik ken yitkiyeh yen.

2 Aydaad 26:14 ပူးပေါင်းရင်းမြစ်များ

2 Aydaad 26:13

Ta qaskarih abbobti amri elle luk ten qaskar mangah sidiica bool kee malcina alfi kee koona boolih qaskariita akkuk ten. Oson malik carbil catoonuh cayla leeh, qaskariino-baritto abe suge marak sugte.

2 Aydaad 26:15

Silac kaah bicsa maray kaxxa ixxiga lehiyya Yarusalaam-magaalat marot heen gasoh amol, allaak yamaate mara akak yablen fayya-le-qarwa kee, too gaso akak makkinta aroocaak qidoonu waan gaysê-xaylo kee kaxxa xeet qiddu wayta wanxefih-siba bicsen. Quddiyya Yallak gee cato luk yeneeh, tonna-leemiik migaq kulli ikkel kaak yontoobbeeh; kaxxa cayla-li yekke.

Ermiyaas 46:4

Faariisit cakkam haay koori elle haa. Rooruh gacaay amot birti kalabta haa. Macaxu arbaqa (samlisa), labhay! Macaxuk xagar waasa birtat aliilit haa› 'yaanam axcih ken aabbe.

Makaabon 20:16

Too maray gaaboowehiyyak inkih malcina boolih num qeebi guri-gabah abak yen. Keenik kulli num qalaamah wanxefit ruube xaa hoxisak mananna.

1 Samuwel 17:49

Too waqdi olot gaba rubbu heeh, xaa eyyeqqa heeh woo xaa Golyaadat hee. Woo xaa qansat kaak rade. Too waqdi moyyâ-lafa kaak tiddigilleh baaxol afah rade.