2 Aydaad 25:4 - NABUWWA KEE MALIKWA

⁴ Takkay immay Yallih xinto elle tan kitaabay Muusal obtehiyya elle inta innal, oson abeenimih ken xaylo maqidinna. Too xintol, «Abba baaheemih xaylo maqidinaay; xaylo bahteemih abbobti maqidina» 'yaanam tan. «Numul rabi elle yamaatem, dagaak num isih baahe umaane» 'yaanam tan.

2 Aydaad 25:4 ပူးပေါင်းရင်းမြစ်များ

2 Aydaad 25:5

Malik, Yuuda kee Benyaamah yooboke mara gulub-gulubul baxissa heeh qaskarat ken hee. Sarrak alfi-alfi kee bool-boolul kurra ken heeh ken amrissa abbobti keenih hee. Qaskarat hee mari qumrik labaatannaak amo gufa marak ten. Tittat sidiica boolih alfih num qaskarat hee. Ta mari inkih qeebih bical yaniih, macaxi-qido kee goobut isinni akah raaqisan inna nagay yaaxige marak ten.

Yacedkel 18:20

Rabi akah yaguudem, dambit asa mara. Abba baxi baaheemih madiggalsimaay, baxi abba baaheemih madiggalsima. Meqem abite num meqem geyaah, umam abe numuh umam sugta.

Yacedkel 18:4

Kulli numih rooci edde yanim yi gaba. Xaleena kee xaylo rooci edde yanim, yi gabah adda. Dambit ase num isih raba» iyye.