2 Aydaad 25:21 - NABUWWA KEE MALIKWA

²¹ Sarrak Yahoqas fayu kaak cinem yuble waqdi, qeebih kaah gexe. Yuudâ rasuk Beet-Semes deqsitta magaalal yongoorowen.

2 Aydaad 25:21 ပူးပေါင်းရင်းမြစ်များ

2 Malikwa 13:12

Wohuk kalah taniimik Yahoqas abba heem kee kay agiirinnay Yuudak malikih yen Amaxya deqsita numut abe qeebit yuybulleehiyyah agantah, Israayil-Malikwah-Aydaada deqsita kitaabih addal tan.

2 Aydaad 25:20

Amaxya a fayu kaak cineh. Yalli Amaxyah a qeebil gacam looweh yen. Duma Edom marak kaa yiysiiseh immay, a saaku a qeebil kaa gacsiisaamal gaba kaleh yen. Toh akah kaak abaamat akah yemeetem, Edom marih baaxok baahe duyyey xeet kee cooxuk bicseenihiyya yuqbudeemih sabbata.

2 Aydaad 25:22

Amaxyâ-qaskar qeebil gacteeh, qaskar takkeemik kudak isinni buxaaxih fan gacen.

Yoosuwa 15:10

tokkeek Baqala magaalak ayrô-culmat raqta baaxo gexxa 'tam gexakaa, Edom rasuk qaleela mango arac fan gufa. Tokkeek cuduud keenik Yaqarim qaley a saaku Kasaalon deqsittahiyyak kilbat fan gexak raaqa. Too qalek obba 'yaah Beet-Semes magaalak bisoh gexak Timna deqsitta magaalal yamaate.

Yoosuwa 21:16

Qayin kee Yutta kee Beet-Semes deqsitta magaalooli. Tittat Yuuda kee Simqaan magaaloolik sagla magaala kee too magaaloolih dariifal tan lacti malaalah baaxo keenih yeceen.

1 Samuwel 6:9

Gexxa waqdi wagitak raaqa. Too waqdi Beet-Semes magaala fan gexxam tubleenik, woo bala nel rubtem Israayil YALLA kinnim elle ixigaay; wonna hinna'mmay, wokke fan gexe waytek, usuk nel ruubem hinnay, isih nel tekkem kinnim elle aaxigenno» keenik iyyen.