2 Aydaad 25:15 - NABUWWA KEE MALIKWA

¹⁵ Taham YALLIH naqabu kaah bahte. Tonna-leemiik YALLI nabi kaa fan ruube. Too nabi kaal yemeete waqdi, kaak iyyeemihii, «Ta duyyey elle gexxe baaxoh mari aqbuduk sugehiyya yaqbudeenimit koo bahtem macaa? Aham tu xiqta way, le maray aqbuduk sugehiyya wadak ten kaak; koo tahat asissem macaa?» kaak iyye.

2 Aydaad 25:15 ပူးပေါင်းရင်းမြစ်များ

2 Aydaad 19:2

Canaaní-Yaahu deqsita nabi kaal yemeeteeh too waqdi kaak iyyeemih, «Uma-taama abaah YALLIH naqabu xagarat le mara lih gacaanam gitah abtem kot celtaa? A saaku atu abtem YALLIH naqabu koh xalteh tan.

2 Aydaad 20:37

Too waqdi Elqeeder deqsita numuy Mareesâ magaalal yooboke Doduwaahu baxak yenehiyya Yacoosafak iyyeemih, «Acadya lih qalla haysitteeh, tohuk gexxaamah YALLI atu xissem kok baysele» 'yaanam axcuk garci kaah kale. Woo maraakib yiddigilleeh, badal gexak maraaqinna.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

2 Aydaad 24:20

Sarrakaa, seekik raaqe baxay Zakariyya migaq luk yenehiyyal Yallih Roocaaniyya obte. Too sek sinam kaa elle table ikkel solla 'yeeh, anay fayya haak, «YALLI siinik iyyaamah, ‹Ummatey, yi amri akah cintaanaah bala isinnil akah oobissaanam macaa? Yoo cinteeniih anu kaadu sin cineh› siinik iyyah yan» iyye.

2 Aydaad 25:16

Yaabak fanat kaak radda 'yeh, too tiyak malik kaal gacseemihii, «Malikih fayu yecee num koo abtem iyyaay? Ahaysa yab eyseed; cintek, rabi gadda akketto» kaak iyye. Nabi fayuk kaak yeedeeh immay, qangara kaat heeh, iyyeemihii, «Ta saaku Yalli baati koh loowem ableh an. Toh elle ablemii, umaanek ta axxul lem abba hayteh, away yi fayu cintaamal kok ableh an» kaak iyye.

2 Aydaad 25:7

Sarrak nabi kaal yemeeteeh kaak iyyeemih, «Amoytaw, Israayil qaskar is lih mahan. A maray kilbat le kabih xintok yemeetehiyya YALLI kicna mara hinnon.

2 Aydaad 28:9

Samaariyah magaalal Qooded deqsita num yen. Too num YALLIH nabik yen. Too nabi, a qaskar Samaariyah magaala tuduure waqdi, keenit matra'gidih yemeete. Too nabi keenik iyyeemih, «YALLAY isin akak radden sin kaxxa abbobti doorehiyya Yuudâ-mara yinqibeh sugeeh, tonna-leemiik sin gabat ken qide. Takkay immay isin keenit abten uma qidim, a saaku Yalla fan gufe.

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Ermiyaas 10:5

Too cooxuy yalla akak iyyaanahiyya cabcab elle yooboke aracal, woo cabcab kimbir yakmeemik kimbir akak meysita'gidih, sartan edde hayya heenih sahdayti gurral soolisen caxxih bis le. Afak mayaaba; mayangayyaay magexa. Aracak arac ken beyaanam faxan waqdi, sunkul hayya ken heenih quukah beyan. Hay, siinil baaham maliiy siinih xiqam malik, akak mameysitina» siinik iyyah yan.

Ermiyaas 10:7

Inkih tan ummatih Malikow! Nabna koh taguudek, koo assakaxxe waytam iyyaay? Addunyal kasah dareeman mara kee addunyal tan reeda le malikwak inkih ku bis lem matan.

Ermiyaas 2:5

YALLI siinik iyyam ah teetik, oobbeya. Sin kaxxa abbobti yot geyteemiy makot akah gexak sugeeni macaay? Maca keenil baahe? Gabak bicsen duyye yaqbudeenim taamah haysiten. Tu xiqe-sinni-duyyeh qibaadat gaceeniih tu xiqe-sinni-mara isinni aben.

Ermiyaas 48:13

Duma Israayil, elle aaminuk yen Beetalat wacarriyya akah iyyen innah, Mooyab mari kaadu ah keenit takku wayta saaku, Kamos akak 'yaanamay yallah loonuhiyyah abak sugen qibaadat wacarriyelon.

Makaabon 18:24

«Yaa? Maca waytaanaa yok intaanaa? Sek kee bicsiteh an yallitte inkih yok beyten way, maca waytan mannal yok intan? Maca luk raaqeh?» 'yaanam keenik iyye.

Makaabon 2:2

isin kaadu a baaxol yan mara lih hebeltô-bica mahaysitina. Oson sadgat elle aban mansafitte bututtukka haa› 'yaanam siinik exceh en. Takkay immay anu siinik excem maabinnitoonuuy; maabina siinik excem abten. Hay, ceele-waytam abten!