2 Aydaad 25:10 - NABUWWA KEE MALIKWA

¹⁰ Toh yoobbe waqdi, Amaxya taaxige qaskaray lakqot limmoyseh sugehiyyak, «Ahaysa isinni baaxo uduura» axcuk xiiriye. Too qaskar isi baaxo tuduureh immay, Yuudâ-mara kaxxa naqabuh niqibuk gexen.

2 Aydaad 25:10 ပူးပေါင်းရင်းမြစ်များ

2 Samuwel 19:43

Too yaabal Israayil mari kaadu keenil gacseemih, «Malik Dawud siinih yoobokem numma'mmay, siinik tabna afa lino. Too tiyal nee burutteeniih, woo tiya siinik wayna. Geerak kaadu, ‹Malik neh yaduuray!› 'yaanam naharat intem, neey; a saaku mangom luk nene'mmay, woh neh teexegeenih matan» 'yaanam iyyen. Too yaabal Yuudâ-mari gibdi qangara keenil gacse.

1 Malikwa 12:24

«Keenik intaamah, ‹Israayil mari sin tooboko'mmay, qeebi keenit maabina. Away tikka 'tem inkih yi fayxik tekkeemi'mmay, takkeenimik inkih isinni buxah uduura› keenik inxic» iyye. Too mari YALLIH amri oggoleenih; yakkeenimik isinni buxah yuduuren.

2 Aydaad 25:11

Sarrak Amaxya niya gacissa heeh, isi qaskarak foocat gacca 'yeh Qasbo le Golo deqsita arac fan ken been. Tokkel qeebi abeeniih, too saaku Edom qaskarak tabna alfih num qiden.

2 Aydaad 25:9

Too waqdi Amaxya iyyemii, «Hay meqehik, a gide takke lakqoy keenil meklehiyyak maca aboo?» kaak iyye. Nabi kaak iyyemii, «YALLI wohuuk fula koh aceele» kaak iyye.