2 Aydaad 24:27 - NABUWWA KEE MALIKWA

²⁷ ‹Malikwah Abina› deqsitta kitaabih maybalaalaqal, Malik Yooqas xayloh aydaad kee, kaat takku waytaamih giddinaamak nabuwwa edde yabte yab kee, usuk Yallih Qibaadah-Qariy yiddigilleh sugehiyya elle bicsiise innih aydaadi yan. Kay lakal kay baxay migaaqah Amaxya deqsitak yenehiyya malik yekke.

2 Aydaad 24:27 ပူးပေါင်းရင်းမြစ်များ

2 Malikwa 12:18

Malik-Yooqas, kaak naharat sugte malikway Yacoosafat kee Yooram kee Acadya deqsitak sugtehiyya YALLIH qibaadah baaheenih sugen mattacot, isi mattaco osissa heeh, kalah kaadu Yallih Qibaadah-Qaril duyye edde daanisan aracat suggu 'ye dahab kee, malik qarit suggu 'ye dahabak tu macabinnay inkih Malik-Cadayelih mattacoh ruube. Too waqdi Malik-Cadayel isi qaskar Yarusalaamak yeyseerreh.

1 Aydaad 3:12

Yooqas Amaxya xaleeh, Amaxya Quddiyya xaleeh, Quddiyya Yootam xaleeh,

2 Aydaad 13:22

Tahamak kalihimiy Abiyya abba heehiyya kee edde yaabe yab Nabi-Qiddoh-Aydaada deqsita kitaabih addal tan.

2 Aydaad 16:11

Aasa reedda 'yeemiy rabba 'yam fanah abba heemii, ‹Yuuda kee Israayil Malikwah Aydaada› deqsita kitaabih addal tan.

2 Aydaad 20:34

Ahak kalah taniimiy Yacoosafat malik tikka 'yeemiy rabba 'yem fanah abba heehiyya, Canaaní-Yaahuh Aydaaday Israayil Malikwah Aydaada deqsita kitaabak exxak teenah yanihiyyal geytima.

2 Aydaad 24:12

Malik kee sek Yoyadaq too lakqo YALLIH Qibaadah-Qari bicsa marih amol yan marih gabal haak yenen. Qarik tiddigille arooca xeetik xisa maraay coox bicsa mara kee biriita kee nacaasak tu bicsa mara a taamah doortem keenik ten.

2 Aydaad 24:26

Kaal malisseh kaa qiddemii: Dabad deqsita numuy Qammon marih barrah baxah yeneyii ina akak Simqat deqsitak tene kee, Yahodbad deqsita numuy Mooyab barray migaaqah Simrit deqsittahiyya baxak tenehiyyak ten.

2 Aydaad 25:1

Amaxya qumrik labaatanna kee konoyhaytot yan saaku malik yekke. Sarrak Yarusalaam magaalal labaatanna kee sagla sanat malikih suge. Kay inah migaq Yahoqaddinik teneeh; elle toobokem, Yarusalaam magaala.

2 Aydaad 9:29

Wohuk kalah taniimiy Malik Suleeman abak yenehiyya qimbok xabba haanamaay ellecabot akak amma 'yaanam yan aydaadi elle geytimam, Nabi Naatan Aydaada deqsita kitab kee Siilô magaalal yen nabi Aciiya yuktube kitab kee, nabi Qiddo, Nabát-Yarobqam giddinaamak yuble wacyih kitaabal geytinta.