2 Aydaad 24:17 - NABUWWA KEE MALIKWA

¹⁷ Sek Yoyadaq rabek wadir Yuudah abbobti malikit culla 'teh, sekti gita hinna'mmay, isinni malah kaa heen.

2 Aydaad 24:17 ပူးပေါင်းရင်းမြစ်များ

2 Malikwa 12:18

Malik-Yooqas, kaak naharat sugte malikway Yacoosafat kee Yooram kee Acadya deqsitak sugtehiyya YALLIH qibaadah baaheenih sugen mattacot, isi mattaco osissa heeh, kalah kaadu Yallih Qibaadah-Qaril duyye edde daanisan aracat suggu 'ye dahab kee, malik qarit suggu 'ye dahabak tu macabinnay inkih Malik-Cadayelih mattacoh ruube. Too waqdi Malik-Cadayel isi qaskar Yarusalaamak yeyseerreh.

2 Aydaad 24:16

Sek Yoyadaq rabe saaku, Dawud-Magaala deqsita caafatal malikwa elle yoogoqen ikkel kaa yoogoqen. Toh akah abeenimii, usuk Israayil marah meqem abeh, Yalla kee Yallih Qibaadah-Qarih meqem abe.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

Yacedkel 18:24

«Meqe num abak suge maqaane cabbaay, uma mari abak suge umaane kee taamat cule kaa tekkek, tonnal waaru waam maay takkalen? Waar hinna'mmay, woo duma abe maqaane kaak baata. Luk suge imaan cabak, yok yexxeereeh dambit aseemih sabbatah, rabele.

Daaniyel 11:32

A malik Yallih diini cine mara ayrisele. Too mari kay xaqut gacele. Takkay immay, Yalla oggole mariiy digga axcuk, qeebi kaat abele.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.