2 Aydaad 24:14 - NABUWWA KEE MALIKWA

¹⁴ Bicsak tonnal gaba kalla heen waqdi, lakqo kee dahabak raqtem malik kee sek Yoyadaqal yeceeniih; malik kee sek too lakqo kee dahabak sacnitte kee faxxinta mingilwa YALLIH Qibaadah-Qaril haana'gidih akak bicsen. Sek Yoyadaq addunyal suggu 'yem fanah, Qibaadâ-Qaril sadgat kulli saaku abak yenen.

2 Aydaad 24:14 ပူးပေါင်းရင်းမြစ်များ

1 Malikwa 7:50

figaaginiiy, faanuswa edde bargusan afti-xaylooy, sacnitteey, qeerisan qaydarus elle haan mingilwa kee, xikcin elle haan kabaaba inkih, saafik yan dahabak bicsiise. Tohuk kalah kaadu, Kulliimik-Taahiriinoh-Yayse-Goli kee Qibaadah-Qarik iro le kabuk akak culan albaab tabbixe duyye inkih dahabak bicsiise.

2 Malikwa 25:12

Takkay immay Yuudâ-rasul kaxxam masaakiinah yan mara qinab-cooxih-taama kee baqurê-taamah cabe.

2 Malikwa 25:15

Wohuk kalah, qaskar abbah yen num, dahab kee lakqok bicissa heen duyyey sugga 'tek xikcin elle haan kabaabaay qunxa sacnitte kee disti agantah, tu macabinnaay inkih beeh.

2 Aydaad 2:3

Sarrak Suur deqsitta magaalah malikiy migaaqah Curam deqsitak yenehiyyah farmo ruubeeh, kaak iyyemii, «Duma yi abba Dawud isi qari xise saaku edde xise sariidâ-coox kaah rubteh teneeh; a saaku kaadu yoh tonnah tanim abtam kok faxa.

2 Aydaad 24:13

Ta taamat hayya heen mari Yallih Qibaadah-Qari meqe innal bicseeniih, duma xisen saaku elle suggu 'ye innah heen.

2 Aydaad 24:15

Sek Yoyadaq barak bool kee soddom liggida guffu heeh kaxxam idoolite saaku, Yallih amri kaal yemeete.

2 Aydaad 31:2

Ciskiyyaahu, seeka kee Leewî mara mango ikkel kurra heeh, kulli marahaay aboonu waan rikek tan taama keenil yecee. Tohumuu, cararisan sadgat xayyoosaanam kee, laa kee illi mattacoy amaanah xiinaanamih astah qidaanahiyya xayyoosaanamaay, YALLIH Qibaadah-Qarih addal aban qibaadat yangaleenimiiy, woo Qibaadah-Qarik mango culmal Yallah fayla kee candu gacsaanam taamah keenih yecee.