2 Aydaad 23:18 - NABUWWA KEE MALIKWA

¹⁸ Sarrak Yoyadaq seeka kee Leewih yooboke mara YALLIH Qibaadah-Qaril aban taamah abbootanat hee. Ta mari Malik Dawud ken edde hee taama kee, Muusal obte xinto elle inta innal, YALLIH sadgatah baahan saqih cado cararisaanam taamah luk yenen. Tohuk kalah, Malik Dawud elle iyye'nnal, Yallih saare qiidih asan saakih qaffaydah abbootan keenih yecee.

2 Aydaad 23:18 ပူးပေါင်းရင်းမြစ်များ

1 Aydaad 23:25

Dawud iyyeemih, «YALLAY Israayil doore Dagelta kinnihiyya isi marah amaan yaceeh yaniih; YALLI Yarusalaamal isi marih addal isih ken lih anele.

2 Aydaad 29:25

Malik Ciskiyyaahu, Gaad deqsita nabiy YALLI Malik Dawuduh ruubehiyya kee nabi Naatan Malik Dawuduk ab axcuk sugtem abe. Ciskiyyaahu, Leewî mara kirar kee *begena digirak, giyaagib aagaruk, YALLIH Qibaadah-Qarih addal hee.

2 Aydaad 29:27

Too waqdi Ciskiyyaahu, «Cado akak cararisan saq sadgatah xayyoosa» iyye. Woo sadgatih duyye yusguuden waqdi, saare abe mari YALLA faylise. Saareh yaaguren duyye yaagure mari kaadu baanta kee saareh yaaguren duyye yoogoren.

2 Aydaad 29:30

Malik kee baaxoh abbobti, Leewî marak, «Malik Dawud kee nabi Asaf tuktube YALLIH saare aba» iyyen. Too mari inkih gulubuh gacca 'yeh ruffa axcuk too saare abeeniih, YALLA yuqbuden.

2 Aydaad 30:27

Leewî-mara kee seeka a qiidih yemeete marat barkat gaca'gidih, Yalla kallacen. Too dooqa Yalli dabqih elle yan qaraanaak, keenik yoobbeehiiy keenik oggoleh.

2 Aydaad 35:2

Seeka YALLIH Qibaadah-Qarih addal qiddi taama abta'gidih abbootan keenih yecee. Niya keenit gacta'gidih, aytikuma keenih abe.

2 Aydaad 5:5

Yallih Qibaadah-Qari fan been. Leewih yooboke mara kee seeka, Yallih Nabnah-Siraq kee tet addal sugte duyye inkih, Yallih-Qibaadah-Qari fan been.

2 Aydaad 7:6

Too waqdi seeka, keenih yeexegen aracal solteeh, Leewih yooboke mari kaadu foocah keenit afkanuk soole. Too waqdi Leewih yooboke mari saareh yaaguren duyyeeyay Dawud keenih bicsiise yoogoren. Dawud abeh cabe saare edde heen. Saareh iyyeenimii, «YALLIH kacani mayamurruqa, kay kacani waarah yan kacanu» axcuk YALLA saarisen. Too waqdi raqqa 'ye mari soolak yeneeh; seeka baanta aagaruk ten.

Qedra 6:22

Malcina ayroh Kamiir-Sinni-Gaqamboh Qiidih farcatah sugen. Assuuriyah malik oson faxaanam aba num YALLI kaa abeeh, Yallay Israayil doore Dagelta kinnih Qariy yiddigilleh sugehiyya nammeyhaak xisaana'gidih cato keenih yekkeemih sabbatah, kaxxam ruffu iyyen.