2 Aydaad 23:12 - NABUWWA KEE MALIKWA

¹² Qatalya, malik assakaxxiyyah, anay fayya haak yaaba mara toobbe waqdi, sissikuk YALLIH Qibaadah Qari fan gexxe. Tokkel gaaboowe mari teetih suge.

2 Aydaad 23:12 ပူးပေါင်းရင်းမြစ်များ

2 Aydaad 23:11

Sarrak sek-Yoyadaq, Yooqas afah yeyyeeqeeh malik-kalabta kaat heeh, malik rasu elle xiinisa xinto kutbeh elle tan warkat kaal yecee. Yooqas tonnal malik yekke. Sarrak sek Yoyadaq kee kay xaylo kaa tuskuteh. Tohuk wadir suggu 'ye mari anay fayya haak, «Ani hay malik! Ani haay!» iyyen.

2 Aydaad 23:13

Woo baaxol qaadah akah abak sugen innah, Yallih Qibaadah-Qaril yan qamiddih garil, soola malik tuble. Bool-abbobtih ten qaskar kee *baanta yaagure maray maraasiyot kaa yabbixehiyya tuble. Kaadu farcatak yan maray waxxaq iyya kee baanta yaagurehiyya tuble. Qibaadâ-Qaril saare aba mari elle digran duyye luk a qaffaydak foocat yen. Toh tuble waqdi, Qatalya niya teetik baxaqteeh sara isik qanxisseeh, «Gano leelaay, gano leelaay! Ah gano!» inte.