2 Aydaad 22:11 - NABUWWA KEE MALIKWA

¹¹ Takkay immay Acadya lih abba le barray migaaqah Yahoosebqa deqsittahiyya ten. Too barra abbaxuk tenem, Yoyadaq deqsita seekik ten. Too barra, Acadyâ-xaylok numuk teenay migaaqah Yooqas deqsitaah qide raareenihiyya kee, inah innal kaa dacrisak sugte barra beyya hayteh, Yallih Qibaadah-Qarih addat xinti-aracal ken hayte. Tokkel kaa tooqoreeh, Qatalyâ-gabat rabaamak kaa waddeh.

2 Aydaad 22:11 ပူးပေါင်းရင်းမြစ်များ

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

1 Malikwa 15:4

Takkay immay YALLI, kay-kaxxa-abba Dawud taagah lab-baxay malik yakku waa kaah yeceeh; tonnah kaadu Yarusalaam saayah xiinise.

2 Malikwa 11:2

Acadyâ-baxi-Yooqas dibuk raaqe. Aki mara lih kaa qide raareeni'mmay, kay annay Yahoosebqa deqsitta kaa raaqisseh rooci kaak waddeh. Is Acadyak abbâ-baxák teneeh Malik-Yacooram-baxák ten. Is Yooqas kee, inah innal kaa dacrisak sugte barra beyya hayteh, Yallih Qibaadah Qarih addat xinti-aracat ken tooqore. Toh akah abtem, kaa qide waana'gidik ten.

2 Aydaad 21:7

Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

2 Aydaad 22:10

Malik-Acadyah-inah ten Qatalya, tet baxa qideenim toobbe waqdi, Yuudâ marak dardaarinni elle amma axce raare mara inkih qidaanamih amri tecee.

2 Aydaad 22:12

Qatalya malikáh sugte laca sanat, tokket uqurat kaa sugusse.

2 Aydaad 23:1

Laca sanat tokket kaa sugseenik lakal, sek-Yoyadaq, «Tahaysa kay qaadak tuk teena abnam tayse» 'yaanam iyye. Sarrak qaskar abbobtik laca num lih bica haysite. Tohumuu, Yaroocám-Qadarya kee Yahoocanán-Ismaaqil kee Yoobád-Qadarya kee Qadaayá-Maqseyaahu kee Dikrí-Alisafat deqsitta qaskar abbobtik ten.

Yasaqya 65:8

«Meqe lee le qinab-xaylo, qinab-xaylo fanat geenik, baaxot num qidam mafaxa. Qinab xaylo yaxmuumeenih leeh aftoh sahda taaqube. Yi mari yol too gideh yan; yi naqoosa too bis yol le. Baaxot inkih ken maqida; inni naqoosa mabaysa.