2 Aydaad 21:14 - NABUWWA KEE MALIKWA

¹⁴ Tohuk gexxaamah YALLI ku maraay ku xaylooy ku agabu kee edderri hayteemil bala oobisele.

2 Aydaad 21:14 ပူးပေါင်းရင်းမြစ်များ

1 Malikwa 2:32

Yi abba aaxige'kal, kaak yeyse maray tu baahe weehiyya qide. Tohuh YALLI kaa digaalele. Qidem, Israayil qaskarak abbah yen Abner kee, Yuudâ-qaskarih abbah yen Qamasa deqsita numu.

2 Aydaad 21:13

Ken gita cabba hayteh, Israayil malikwa abak tenem abta. Yuuda kee Yarusalaam magaalah mara Yallak teyxeereh. Malik Acab kee kay lakal malikwa yekke mari Israayil mara Yallak akah yeyxeeren innal, atu Yuuda kee Yarusalaam mara Yallak teyxeereh. Tohut macabinnitoy ku toobokoy kok aysuk tenehiyya qidde.

2 Aydaad 21:15

Atu isih ulqi-lakimah biyaakitettooh; too biyak ayrook ayro lafak koo lafele» kaak iyye.

Hosiqa 5:11

Israayil mari tu xiqe sinni xeet kee cooxuk bicsen duyye kaxxam faxaanamih sabbatah, xukkot yaniiniih, too digaalah biyaakat yanin.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.