2 Aydaad 20:13 - NABUWWA KEE MALIKWA

¹³ Too waqdi Yuudâ-marak ginnaaqot yan agabu kee urrih agantah num raaqeh manannaay, YALLIH Qibaadah-Qarih afal soolak yenen.

2 Aydaad 20:13 ပူးပေါင်းရင်းမြစ်များ

2 Aydaad 20:12

Ni Dageltaw, a axxul le qaskaray qeebi net abahiyyat edde kalalinna qande mannu immay, ken neh digaal. Kook sah nee cattam matanaay; abnam manaaxigaay, catoh waginnam koo» iyye.

2 Aydaad 20:14

Gaabooweh suge marih addak Leewih yooboke numuy migaaqah Yacadiyel deqsitahiyyal YALLIH *Roocaaniyya obte. A num Asaf akak iyyan gulubut raaqak yen. A gulub elle muggaaqiseenim, Asaf deqsita numuk teneeh; Asafak rade Mattanya Yaqiiyal xaleeh, Yaqiiyal Banaaya xaleeh, Banaaya Zakariyya xaleeh, Zakariyya ta numuy YALLIH Roocaaniyya elle obtehiyya xale.

Qedra 10:1

Qedra baaxok bagul afah radda 'yeh, Yallih Qibaadah-Qarih foocal aben umaanet yaabakaay, weeqak dooqa abak suge waqdi, Israayil ummattak labha kee agabu kee urruk mangom xaqul kaak gaabowwa 'yeenih kaxxam weeqen.

Ayyuqel 2:16

Inkih tan ummatak idoolaay, qunxa urru kee angu taaxe salaadah agantah, gaaboysay taahirik tan gaabowna keenih aba. Malcino qaril sugte qarus kee qibna takke way, too gaabownak raaqe waanama.

Yoonas 3:5

Nanawê magaalah mari too farmoy Yallak temeetehiyyal yeemeneh. Tohuk gexxaamah kulli num keenik soomaamal malsen. Yakkeenimiik qunxa numuuy kaxxa numuh toobiteenim yaybulloonuh, *qabuudut sartanah gacen.