2 Aydaad 2:7 - NABUWWA KEE MALIKWA

⁷ Toh too tiya'mmay taway kok axcemii, duyyeeyâ-bagul kutbe haah, dahab kee lakqooy nacaas kee birti bicsa yaaxigeeh, tonnah kaadu, kuclinan kee qasdiiminaanaay qisik sari bicsa yaaxige num yoh rubtaama. Too num rubta waqdi, yi abba dumaak abbaxuk suge gabâ naggaarinna le maray Yuudâ-baaxo kee Yarusalaam magaalal yanihiyya lih taamitele.

2 Aydaad 2:7 ပူးပေါင်းရင်းမြစ်များ

1 Malikwa 10:11

Curam maraakibit taamita mari, Oofir deqsita rasuk dahab kaah baahen. Too mari tohuk kalah duyyê-xisoh meqe mango coox kee bilqah haan xeetiy limo gibdihiyya baahen.

1 Malikwa 7:14

Kay abba Suur-marah aabakuk yeneeh; addunyal yen saaku kaadu nacaasak mansafitte elle bicsa innah ixxiga luk yen. Kay ina Naftaali deqsitta kedoh tooboke. Curam, kaxxam bagi cubbi leeh yublen xayih raaqisa numuy nacaasak duyye bicsaanamih ixxigal muxxo lehiyyah yen. Suleeman nacaasak bicsan mansafwah taamah abbah kaa hee. Curam toh kaak oggoleh.

Yasaqya 28:26

Yalli kaah yecee ixxiga leeh, tohuk gexxaamah isi taama meqe innal aba.

Yasaqya 28:29

Tah inkih YALLAY Nabaamak Nabahiyyah baritto. Kay kas qajiibih yaniih, kay ixxiga kaxxa nabna le.

Yasaqya 60:10

Qagisak teetik iyyaamah: «Koo inqibeeh koo digaaleh suge'mmay, koh liyoh an kacanu kee inni racmatta koo aybulleemih sabbatah, allak yemeete mari ku gasoosa xisele; ken malikwa ku taamat gacele.

Yacedkel 27:5

Luucaan koh akak baaheenim, Cermon deqsitta qaleh amol yen saagana. Markab gudel daabisen dagalay markab edde tangayyehiyya koh akak bicseenim, Lubnaan rasuk baahen *sariidâ-cooxu.