2 Aydaad 2:15 - NABUWWA KEE MALIKWA

¹⁵ Toh tiyaay, tonna leemik anu a num koh ruubah ani'mmay, atu koh ruubeyyo inte kamadi kee gabru deqsitta daro kee qinabak bicsen kamri kee caxâ xaylok bicsen *zeyti (saliid) neh ruubetto.

2 Aydaad 2:15 ပူးပေါင်းရင်းမြစ်များ

1 Malikwa 5:11

Ahih gidyatah, Suleeman, Curamah kulli sanatal morootom alfih kiis kamadik yeceeh, caxâ xaylok bicsen *zeytiy (saliidiy) agle sinnihiyyak kaadu affara boolih alfih litri yecee. Toh isi mara edde yaskame'gidih, kaah yecee.

2 Aydaad 2:10

Too taamat yoh tamsissu wayta marah qasbih, namma malyoonih kiilo takke kamadi kee, namma malyoonih kiilo takke gabru deqsitta darooy, affara boolih alfih litri yakke kamriy qinabak bicseenihiyya kee, caxâ xaylok bicsen *zeytik affara boolih alfih litri ruubeyyo» 'yaanam farmoh kaah ruube.

2 Aydaad 2:16

Lubnaan qaleelal yan sariida kee gersi cooxuk atu faxxa haytah gide irgiqqi heenih koh ruuba, axceyyo. Too coox tittat uxuyya heenih damâ-gurral badal akah tamaate innah abelon. Yaffâ-magaala fan badal koh amaatele. Tokkel matarra akah inteenih, tokkeek Yarusalaam fan ku mari beele» 'yaanam raddih kaah ruube.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

Yasaqya 60:13

Yi qariy taahirik yanit qax-maqaane haana'gidiiy too qari elle yan magaalah migaq fayya haana'gidih, Lubnaan rasuk nabam meqe coox koh baahelon.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.

Yoosuwa 19:46

Meyarkon kee Rakkon kee Yaffa deqsitta baaxol enna 'ta arooca inkih kenimi.