2 Aydaad 19:9 - NABUWWA KEE MALIKWA

⁹ Too marah kaadu too taama elle aboonu waan inna warse. Keenik iyyeemih, «A taama abtan waqdi YALLIH meysi xagarat taalleenim faxxintaah, abba haytaanam isinni afqadook qadaalatat abtaanama.

2 Aydaad 19:9 ပူးပေါင်းရင်းမြစ်များ

2 Samuwel 23:3

Israayil doore Dagelti yaabeeh ken dacrisa Dagelti yok iyyeemih, ‹Qadaalat ummatta xiinisaah Yallih meysit xiinisa malik

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

2 Aydaad 19:10

Sin toobokok faxe num takkuu, faxe magaalak takku, nabsit aseh suguu, hinnay kaadu, faxe madqa kee Yallih xinto intaamak amo koreh sugek, sin fan ken baahan waqdi, isin cokmi abtan waqdi YALLIH garil qellat le mara akah akke waan innah meqe gita ken barisa. Toh abe wayya hayteenik, Yallih naqbi sin kee ken maade'kal maraaqa. Takkay immay isinni taama meqe innal gexsisseenik, qellatak cattiimetton.

2 Aydaad 19:7

Cokmi abtan waqdi, YALLIH meysi taalleenimi; abtan cokmi cubbusak abtaanama. Macaay inteenik, YALLAY ni Dageltah yani cokmil sinam yadlumeenim kee, isinnih akah faxen marah iyyaanam kee, guqul beyaanam maqansiisa» 'yaanam keenik iyye.

2 Aydaad 19:8

Yarusalaam addal Yacoosafat Leewih yooboke mara kee seeka cokmaaba reedise. Tohuk kalah, baaxô-xaylok tu takkem cokmaaba abe. Too reeda keenih akah yeceemii, YALLIH xinto intam abe cinee kee, hinnay kaadu, magaalah addal yan marak titta waa mari yenekii, yab keenih abaana'gidih ken hee.

Yasaqya 32:1

Ayrok teena cakkik tanim aba malik reedele. Too dabaanal abbobtih gacu waa mari qadli le mara akkelon.