2 Aydaad 19:3 - NABUWWA KEE MALIKWA

³ Tohu'mmay away uxih Yallih garil maqaanek baxaysite num hinnito. Aseera deqsittaamay yaqbudeenihiyyah astah sooliseenih sugen gurumuuda bayisseh. Yallih gita katayak sugte» kaak iyye.

2 Aydaad 19:3 ပူးပေါင်းရင်းမြစ်များ

1 Malikwa 14:13

Israayil mari inkih kay rabah rookitele. Meqe magaqah kaa aaguqelon. Yarobqam buxah marak meqe magaqah tamoogoqu waytam, dibuk too awka. Macaay intek, YALLAY Israayil doore Dagelta kinnihiyya ken addak maqaane edde yublem dibuk kaa.

2 Aydaad 11:16

Inkih yan Israayil marih addakaa, isi afqadook YALLAY Israayil doore Dagelta kinnihiyya yaqbudem faxa mari, YALLAY oson akak raden ken kaxxa abbobti doorehiyyah sadgat abaana'gidih, Leewih yooboke marih lakat Yarusalaam magaala fan gexen.

2 Aydaad 12:12

Malik Racabqam YALLAH rammiteeh; tohuk gexxaamah YALLIH bagcarra kaal xabbacowteh; ummat kaxxa baatik cattinteh. Tonnah kaadu Yuudâ-baaxol caalat muquk yen.

2 Aydaad 12:14

Racabqam uma taamat akah sugeemik sabab, baguuk YALLIH gital masuginnaay, umaane akah abak yenem, tohuk ten.

2 Aydaad 15:12

Tokkelii, «Tahaysah, YALLAY nanu akak radne ni kaxxa abbobti doorehiyya baguuk aqbudenno» 'yaanam iyyeeniih, too tiyal sittin-gey haysiten.

2 Aydaad 15:15

Too ayro gaabowwa 'ye mari, inkim axcuk ta tiyal isinni afqadook titta geenimih sabbatah, kaxxam ruffa iyyen. YALLA yaqbudeenim kaxxa rufto keenil tekkeeh; YALLI oson aban qibaada keenik raabiteh. Tonna-leemiik elle yanin baaxok kulli exxa amaan keenih abe.

2 Aydaad 20:3

Toh yoobbe waqdi Yacoosafat cunxo hayteeh, YALLAL gita essereemit yemeete. Sarrak inkih yan rasul sinaamak sooma iyyeeh amri yecee.

2 Aydaad 20:33

Tonna'mmay diini-maleela elle taqbude aroocay fayyat raqtahiyya kay dabaanal baateh mananna. Ummat kaadu, isi afqadook ken kaxxa abbobti doore Dageltah qibaadat gaceenih manannon.

2 Aydaad 22:9

Sarrak Acadya gorriseeniih Samaariyah magaalal yombooqoreh suge. Kaa geeniih, Yaahu fanah kaa beeniih tokkel raba kaal yuckumen. Takkay immay kay kaxxa abba Yacoosafat cormatah meqe magaqah kaa yoogoqen. Iyyeenimihii, «Kay kaxxa abba YALLI kicna taamah baguuk taamitak suge numuk ten» iyyen. Acadyâ-xaylo kee ramaday kay lakal dardaarahiyya maraaqinna.

2 Aydaad 27:6

Yootam YALLAY kay Dagelta kinnihiyyal kaxxa imaan heeh, YALLI aba iyyem abak yen. Tonna-leemiik cayla Yalli kaah yecee.

Qedra 7:10

Yalli ken akah catem, Qedra Muusâ-kitaabal tunkuttubem baritak, tohim abinal asisa numuk yen. Tohimih addâ-faknu kee maqna Israayil mara barsaamat wakti isik rubsuusak suge.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.