2 Aydaad 18:7 - NABUWWA KEE MALIKWA

⁷ Acab iyyeemih, «Inki numuy Yimlá-Miikayhu deqsitahiyya yani'mmay, usuk kulli way umam akke waytek meqem yoh mayablaay; tonna-leemiik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

2 Aydaad 18:7 ပူးပေါင်းရင်းမြစ်များ

1 Malikwa 18:17

Acab kaat radda 'ye waqdi, «Ah koo innaa? Israayilil umaaneh akak abaanam yeegemen numow» kaak iyye.

1 Malikwa 18:4

Idebal Yallih nabuwwa qidak ten saaku, Qobadya bool nabi beyya heeh namma kontomuh ken kurra heeh gablat yooqore numuk ten. Too nabuwwah makmok maaqabu tokke baahak yen.

1 Malikwa 19:10

«YALLAW! Nabaamak Naba Dageltaw! Anu kulli way ku taamat aniih, koh dibuk taamita. Takkay immay Israayil mari ko'lih hee qahdi makeeh, ku qibaadah arooca yiggiggileenih ku nabuwwa qidak selli heen. Keenik dibuk raqtem yooy; taway yoo kaadu qidaanam faxan» iyye.

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

1 Malikwa 22:8

Acab iyyeemih, «Inki numuy Yimla-Miikayhu deqsitahiyya yani'mmay, usuk kulli way umam akke waytek meqem yoh mayablaay, tonna-leemik kaat mayyu» iyye. Yacoosafat, «Wonnah maxcin, iyyaanam hinnak» kaak iyye.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

2 Aydaad 18:13

Miikayhu kaal gacsemii, «YALLAY waarahiyyah migaaqal xiibitah ani'mmay, Yalli yok inxica iyyeemiik kalihim kaak maxca» iyye.

2 Aydaad 18:6

Yacoosafat iyyeemih, «Ahak kalah YALLIH nabiy YALLI aba iyyam neh warisa mayanaa?» iyye.

2 Aydaad 18:8

Too waqdi Malik Acab malik buxat taamitak yen qaskariitah secca 'yeh, «Gexay Miikayhu sissikuk ni fanah bah» kaak iyye.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 38:4

Sarrak doolatak saqoltih yan mari malikik iyyeemih, «A num edde yaaba yab qaskar kee ummatak inkih niya yaggile yaaba. Ummatah umam akke waytek, keenih maqaane faxa numuk tanih matan. Ah iyyeemih rabi kaal yamaate» iyyen.

Qaamus 5:10

«Cokmi maroh addal, ceele-wayti yassacakke mara tanqibeeniih, nummat yaaba mara tablen waqdi sakkittaanah!

Miika 2:7

«YALLIH sabri gaba kalem maay takkalee? Annah tanim abelem mannal kot celta?» 'yaanam yok iyyan. Yaqkuubuk rade mara kinnino iyya maraw, annah tanim intaanam mafaxxinta. Yalli tohuk siinik iyyeemih, «Cakkik tanim aba marak meqem axce.