2 Aydaad 17:3 - NABUWWA KEE MALIKWA

³ Yacoosafat isi abba qimbol kataatak suge Yallih gita kataata num yekkeeh, Baqal migaq leemiy sahda aqbuduk sugehiyya maqbudinna. Tohuk gexxaamah YALLI barkat kaat hee.

2 Aydaad 17:3 ပူးပေါင်းရင်းမြစ်များ

2 Samuwel 5:10

YALLAY Nabaamak Naba Dagelta kinnihiyya Dawud lih yeneeh; tonna-leemik Dawud qandeh ayrook ayro aysuk yeyse.

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

1 Malikwa 11:6

YALLAL dambi lem baaheeh; kay abba Dawud baguuk YALLIH gita elle katayak yen innal, kaa makatayinna.

1 Malikwa 22:43

Kay abba Aasak kaxxih YALLIH garil cakkik tan taamah taamitak yen. Tonna'mmay diini-maleela elle taqbude arooca kay dabaanal baateh mananna. Ummatta tokkel sadgat abaanam kee qerto ruubaanam cabteh mananna.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

2 Malikwa 14:3

Amaxya YALLI kicna taamah taamitak yene'mmay, Yalli yeyyeeqe xinto kee amri, akak rade Dawud elle oggolak yen innal, moggolinna. Isi abba-Yooqas-raatat gexak suge.

2 Malikwa 16:2

Acad malik yekke saaku qumrik labaatanni karmat yen. Yarusalaam magaalah addal taban kee lica sanat malikih suge. Takkay immay isi kaxxa abba Malik Dawud raatat gexak masuginnay, YALLAY kay Dagelta kinnihiyya niqba taamat asak suge.

2 Malikwa 18:3

Usuk isi kaxxa abba Malik Dawuduk kaxxih, YALLI kicna taamat asak yen.

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

1 Aydaad 22:18

Too makaabonuk iyyeemih, «YALLAY sin Dagelta kinni aham fanah sin lih yaniih, kulli kabuk inkih amaanah sin yabbixe. A baaxol suggu 'ye marak yoo yiysiiseeh; too mari ta saaku YALLA kee sin gubat yan.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 17:2

Isi qaskar Yuudâ-magaalooliy gaso maroh edde sugga 'tehiyya kee Yuudâ-rasuk barrih tan baaxol bicat hee. Tonnah kaadu, kay abba Aasa Efrayim rasuk qeebit yibbixeh suge magaaloolil kaadu qeebi abtu wayta qaskar bicat hee.

2 Aydaad 17:4

Kay abba aqbuduk suge Dageltah qibaada abeeh, Yallih amri iyyam abak yen. Israayil malikwa Yallih gitak tewqeh sugte'mmay, usuk ken innah mawqinna.

2 Aydaad 20:32

Kay abba Aasak kaxxih, YALLIH garil cakkik tan taamah taamitak yen.

2 Aydaad 21:12

Nabi Eliyyas warkat kaah ruube. Too warkatal kaak iyyeemihii, «YALLAY ku kaxxa abba Dawud aqbuduk yenehiyya atu abta umaane kok niqbah. Macaay intek, ku abbah yen Malik-Yacoosafat katayak suge gita makatayinnitooy, ku kaxxa abbah yen Malik-Aasa katayak suge gita makatayinnito.

2 Aydaad 22:9

Sarrak Acadya gorriseeniih Samaariyah magaalal yombooqoreh suge. Kaa geeniih, Yaahu fanah kaa beeniih tokkel raba kaal yuckumen. Takkay immay kay kaxxa abba Yacoosafat cormatah meqe magaqah kaa yoogoqen. Iyyeenimihii, «Kay kaxxa abba YALLI kicna taamah baguuk taamitak suge numuk ten» iyyen. Acadyâ-xaylo kee ramaday kay lakal dardaarahiyya maraaqinna.

2 Aydaad 27:6

Yootam YALLAY kay Dagelta kinnihiyyal kaxxa imaan heeh, YALLI aba iyyem abak yen. Tonna-leemiik cayla Yalli kaah yecee.

2 Aydaad 29:2

Usuk isi kaxxa abba Malik Dawuduk kaxxih, YALLI kicna taamat asak yen.

2 Aydaad 34:2

YALLI kicna taama abak yen. Isi kaxxa abba Dawuduk kaxxih Yallih gita kataatak yeneeh, agaagul sinnim Yallih xinto intam abak yen.

Yasaqya 41:10

Tonna'mmay anu sin lih anik, mameysitina. Sin Dagelti yook, niya siinik addigille waytay. Qande siinit heeyyooh sin cateyyo. Inni gabay qadaalat lehiyyat sin dacriseyyo.

Yasaqya 8:10

Abtoonu waytaanamal malisa'mmay siinil mabicta. Faxxeenih gide yaabita'mmay toh inkih tu maxiqta. Macaay inteenik, Yalli ne'lih yan.

Ermiyaas 2:23

« ‹Away nadaysa leemit maasinnino› elle intaanam mannaay? ‹Baqal deqsitta rooci sinni duyye maqbudinnino› mannal intan? Goloh addal abten dambi isinnik maay taaxigen? Taaxigeenih. Abtaanam isinnik maay tablen? Tableenih. Maatah tan ala tekken.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Makaabon 2:11

Tohuk lakal Israayil mari YALLIH garil dambi lem abak maacisen. Yalla cabba heenih Baqal deqsittaamay Yallih innah yaqbudeenihiyyah qibaadat gacen.

Makaabon 2:18

Sinam keenit xukkuttaah ken biyaakan waqdi, YALLAL weeqah hayya haak yenen. Too waqdi YALLI keenih xuwaawak yeneeh; makaabantu doorru haak yeneeh, too makaabanti addunyal yanim fanah kaa catakaay, woo makaabantih gabat Israayil mari qaduwwik akah yayse'nnah abak suge.

Makaabon 6:12

Too waqdi YALLIH malaykatti tokkel kaah yumbulleeh, kaak iyyemii, «Qande le agirow, YALLI ko'lih yan» kaak iyye.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

1 Samuwel 18:12

Too ayrok wadir Saawul, YALLI isi cabeeh Dawud lih yanim yubleeh, Dawuduk meysitak raaqe.

1 Samuwel 18:14

YALLI Dawud lih yeneemih sabbatah, Dawud abba hannaanim gabal kaah bicak ten.

1 Samuwel 18:5

Dawud, Saawul kaa akah ruubinnaan taama gabal kaah bicca 'teh adaaruk yen. Tonna-leemiik Saawul qaskarak exxak teenah abba kaa abe. Tohuk gexxaamah Saawul qaskarih abbobti kee raqqa 'ye mari inkih ruffa iyye.