2 Aydaad 17:14 - NABUWWA KEE MALIKWA

¹⁴ Too marakaa, Qadna akak iyyan numuy kedok Yuudah taabuke qaskarak abbah hee. Too numuu, sidiica boolih alfi takke qaskarak abbah yen.

2 Aydaad 17:14 ပူးပေါင်းရင်းမြစ်များ

2 Aydaad 11:1

Malik Racabqam Yarusalaam magaala gufe waqdi, Benyam kee Yuudâ kedoh addak bool kee bacra-tabanih alfi takke qaskaray dooro lehiyyah seeco abeeh, inki'kkel ken gaaboyse. Toh akah abem, kilbat le kabut raqta Israayilih ummattah amol malikih gacam faxak yen.

2 Aydaad 13:3

Abiyya too carbih affara boolih alfih qaskariita ugseeh; Yarobqam kaadu is le kabuk bacra boolih alfih qaskariita ruube.

2 Aydaad 14:8

Sidooca boolih alfi qaskariitay Yuudah yoobokehiyya luk yeneeh; yakkeenimiik gob kee macaxu tikiyah luk yenen. Benyam kedoh yooboke marak kaadu namma bool kee bacra-tabanih alfih qaskariita luk yeneeh; silaacah gob kee gaysê-baxa luk yenen. Yakkeenimiik nagay tan qaskaray baritto kee agiirinna lehiyyak yenen.

2 Aydaad 17:15

Kay lakal saqalah heem, Yahoocanan deqsita numuk ten. Ta num kaadu namma bool kee bacra-tabanih alfih qaskariitak abbah yen.

2 Aydaad 26:13

Ta qaskarih abbobti amri elle luk ten qaskar mangah sidiica bool kee malcina alfi kee koona boolih qaskariita akkuk ten. Oson malik carbil catoonuh cayla leeh, qaskariino-baritto abe suge marak sugte.