2 Aydaad 17:12 - NABUWWA KEE MALIKWA

^12-13 Tohuk gexxaamah maqarah aysuk yeyse. Inkih yan Yuudah rasul megdebitte kee duyye daanah elle hayu waa magaalooli xise. Tonnah kaadu, leek maaqo akak inxicca 'yaanamak kaxxam mangom Yuudâ-magaaloolil daanah abbaxuk yen. Yarusalaam magaalal gulub-gulubul kurra heeh, kas kee bagi cubbi leh yan mara qaskar-abbobtih hee.

2 Aydaad 17:12 ပူးပေါင်းရင်းမြစ်များ

1 Aydaad 29:25

YALLI, inkih tan ummat akak cunxitta numuy hayba le kaa abe. Israayilil dardaare marak, Yalli Suleeman gide nabna kee haybak akah yecee malik mananna.

2 Aydaad 17:11

*Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

2 Aydaad 18:1

Malik Yacoosafat gaddaliino kee migaq-gexxo geeh. Sarrakaa, isi buxah mara kee Israayil malikih yen Acab fanal rihim qaada elle abbaasitan gita bicse.

2 Aydaad 26:10

Tonnah kaadu, sinam isinni aroocal allak tamaatem akak yablen fayya le qarwak mangom xise. Ayrô-culmat raqta mango koomaami le baaxo kee booxaaxah tan baaxol mango laa luk yeneeh; leê-raaqisso mangom dage. Buqre kaxxam kicinuk yeneeh; tonna-leemiik taamita marak, «Qaleelah tan baaxol qinab xala coox ubquraay; lee le baaxoy buqre elle bictal daro qida» iyye.

2 Aydaad 27:4

Yuudâ qaleelal magaalooli xise. Garbo le baaxol kaadu xeri ikkek tamaatem akak yablen fayya-le-qarwa kee megdebitte xise.

2 Aydaad 32:5

Sarrak Ciskiyyaahu magaalat maroh tan gasoosa yuqusbuuseeh; woo gasoosah amol fayya le aroocay xeri'kkel tanim akak yableenihiyya bicse. Kalah kaadu magaalat qusba gasoosa maroh hee. Too magaalah koosit tonnal abe. Yarusalaamak ayrô-mawqa le kabut raqta baaxoy ramma luk sugtehiyyal burtak kibakaay, koositih xiseenih sugen arooca yuqusbuuseh. Toh lih kaadu gob kee silaacak mangom bicsiise.