2 Aydaad 17:11 - NABUWWA KEE MALIKWA

¹¹ *Filistiin marak tu takkem mattacoh lakqo kee kalah tan duyyeeya kaah bahte. Qarab marak baali tonnah, mattacoh illik malciina alfi kee malcina boolih maruw kee, wadarak kaadu malciina alfi kee malcina boolih dabeela takkem baahen.

2 Aydaad 17:11 ပူးပေါင်းရင်းမြစ်များ

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

1 Malikwa 5:1

Suur deqsitta baaxoh malik, Curam deqsitak yen. Usuk dumaak Malik Dawud kataysak ten. Curam, Suleeman isi-abbah aracal gacem yoobbe waqdi, farmô-mara kaa fan ruube.

2 Malikwa 3:4

Mooyab-rasih malikih yen Malik-Meesaq illi yeyderreh yeneeh; Israayil-malikih-gabbarah illi xaylok kulli sanatal bool alfih gide takkem acayuk yen. Kalah kaadu, bool alfi yakke marwah xagor kaah acayuk yen.

2 Aydaad 17:12

Tohuk gexxaamah maqarah aysuk yeyse. Inkih yan Yuudah rasul megdebitte kee duyye daanah elle hayu waa magaalooli xise. Tonnah kaadu, leek maaqo akak inxicca 'yaanamak kaxxam mangom Yuudâ-magaaloolil daanah abbaxuk yen. Yarusalaam magaalal gulub-gulubul kurra heeh, kas kee bagi cubbi leh yan mara qaskar-abbobtih hee.

2 Aydaad 17:5

Yacoosafatah YALLI Yuudâ-rasul-milkiino yeceeh; tonna-leemiik Yuudâ rasi kay milkih yen. Yuudah-ummat inkih mattaco kaah bahteeh; tohuk gexxaamah gaddaliy ummat tassakaxxehiyya yekke.

2 Aydaad 21:16

YALLI, Filistiin mara kee Qarab marak tu takkemiy Kuus mari dabqah elle yan ikkeh xaqul tenehiyya, Yahooram-marat qeebi akah aban innah ken uguuguse.

2 Aydaad 26:8

Qammon mari qusuur kaah mekelak yen. Qandeh lafitak lafteeh; tonna-leemiik kay migaq Masri baaxoh agantah gexeeh; too baaxol kinni way yontoobbeh.

2 Aydaad 9:14

Tohuk kalah kaadu, limo kee badaaqat aba marak gabbara beyak yen. Qarab baaxoh malikwa kee Israayil rakaakayittel abbobtih yen mari kaadu lakqo kee dahooba kaah baahak yenen.

2 Aydaad 9:24

Kaa fan amaatinnaan num mattacoh gabat dahab kee lakqok bicsen duyyeey, xer-sarooy, silacaay, caxâ-sifaay, faaris kee baakil kaah baahak yenen. Kulli sanatal kaal yamaate mari taham abak suge.

Yasaqya 13:20

Sahdayti sarrah, dabqih teetil magacaay; sahda elle gace wayta abuuruh raaqele. Gexak yemeete Qarabtoyti siraq teetil maha. Illi le num illi teetil mayayloola.

Yacedkel 27:21

Qarab kee Keedar rasih marak saqoltih yan mari, atu tellemmoh keenit kalta duyyet milaaguh, anaaqe kee marwa kee wadar edde acayuk sugen.