2 Aydaad 16:4 - NABUWWA KEE MALIKWA

⁴ Malik Banihadad too farmo kaak oggoleeh, sarrak Israayil magaalooli yabbixeeni'gidih, qaskar abbobti kee qaskar ruube. Too qaskar Qiyon kee Daan kee Aabil-Beet-Maqka deqsitta magaalooli kee, inkih tan Naftaalih kedoh magaalooliy leek maaqo akak inxicca 'yaanam daanah elle sugtehiyya yibbixen.

2 Aydaad 16:4 ပူးပေါင်းရင်းမြစ်များ

1 Malikwa 15:20

Malik Banihadad too yab oggoleeh; sarrak Israayil magaalooli yabbixeeni'gidih, qaskar abbobti kee qaskar kaah ruube. Too qaskar Qiyon kee Daan kee Aabil-Beet-Maqka kee, Galiil badih dariifal ten magaalooli kee, Naftaali rakaakay inkih yibbixen.

1 Malikwa 9:19

Lee-kee-qayso akak inxicca 'yaanam kee, faaris kee faarisit beyan gaariira daanah elle hayu waa magaalooli ta marat bicse. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol usuk faxxa haa xisne ken gabat xise.

2 Malikwa 16:9

Malik Tiglat-Fileeser, Acad kaah ruube farmol, qaskar luk Damasko gaaduh yemeeteeh magaala qeebit raaqise. Sarrak woo magaalah mara Kiir baaxo fan seewah bee. Malik Raaxin qideh.

2 Aydaad 16:3

Afti farmoh ruubeemiih, «Duma ni abbobti qalla luk sugteeh; tonna'mmay ahaysa koo kee yoo ni abbobtik kaxxih, qalla haysinnaama. Ama dahab kee lakqo mattacoh koh ruubah an. Tonna'mmay Malik-Baqsay Israayil malikih yanihiyyak qaskar yi baaxok akah tawqe innah, kaa'lih lito qalla kaak targiqeemi» 'yaanam farmoh kaah ruube.

2 Aydaad 16:5

Malik Baqsa a xaagu yoobbe waqdi, Raamâ-magaalay maro edde haak sugehiyya fanak cabe.

2 Aydaad 17:12

Tohuk gexxaamah maqarah aysuk yeyse. Inkih yan Yuudah rasul megdebitte kee duyye daanah elle hayu waa magaalooli xise. Tonnah kaadu, leek maaqo akak inxicca 'yaanamak kaxxam mangom Yuudâ-magaaloolil daanah abbaxuk yen. Yarusalaam magaalal gulub-gulubul kurra heeh, kas kee bagi cubbi leh yan mara qaskar-abbobtih hee.

2 Aydaad 8:6

Baqalat deqsitta magaala kee, leek-maaqoh enna 'tam elle abbaxuk yen magaalooli kee, isi gaariira kee faaris elle abbaxuk yen magaalooli kaadu nammeyhaak xise. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol, usuk faxxa haa xisne xise.

Yasaqya 9:1

Too maray too gide gadaamat sugehiyya tohuk wadir kaxxa diteh addat maraaqaay gadaamitak maraaqan. Yalli duma, Dablon kee Naftaalih yooboke marih rasi gaca-rasu abak suge'mmay, sarra yan saakuh kaxxa rasu kaa abele. Too rasi, Maditraaniyah badak ayrô-mawqa le kabuk xabba haanamaay Ordon weeqaytuk woo qaxa raaqa Galiil baaxoh maray Israayilih aabuke waahiyya elle yanih fanah, kaxxa nabna le rasu akkele.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.