2 Aydaad 16:14 - NABUWWA KEE MALIKWA

¹⁴ Yarusalaamak Dawud-Magaala deqsita caafatal, boolok gubat isi bicsiteh suge kabrih addat kaa yoogoqen. Kaa yaaguqeenimik dumal, ginaada kaak qatri kee saliidit yuskuteeniih; kaxxa gira kay massakaxxah ursen.

2 Aydaad 16:14 ပူးပေါင်းရင်းမြစ်များ

2 Samuwel 2:32

Yowab kee kay mara Qasahel-lafa Beetlacam fan beeniih, tokkel kay buxah marih *kabrit kaa yoogoqen. Isinnihiiy inkih yan bar kuulak xinna 'yeenih, saaku maaci maacisam faxa waqdi, Cebron-magaala yimbiden.

2 Aydaad 16:13

Namma sanatak lakal rabeeh,

2 Aydaad 21:19

Too biyak namma sanatih gide kaxxa biyaakah kaa biyaakak sugeeh, ellecabol uma-rabah akah rabe. Duma kay kaxxa abbobtih akah abak yenen innah, kay rabah gira muurusinnon.

2 Aydaad 32:33

Ciskiyyaahu rabe saaku malikwa elle yaaguqen aracak fayya le aracal kaa yoogoqen. Usuk rabe saaku inkih tan Yuudah ummatta kee Yarusalaam mari inkih kay magaqah massakaxxah yemeete. Kay aracal kay baxi Manasse malik yekke.

2 Aydaad 35:24

Edde suge gaarik kalla kaa heeniih, nammeyhaytô-gaarit korissa kaa heenih Yarusalaam fanah kaa been. Wokkel rabeh; malik kee malik buxah mara edde yaaguqen kabri aracat kaa yoogoqen. Yuuda kee Yarusalaam ummat yakkeenimik rookat kaah sugen.

Yasaqya 22:16

‹Fiiruk atu iyya is takkaleeh? Qalê-bagut fayya le'kket xissa kabri kok xisa intem iyyaay? A kabri daggasita kok intem iyyaay? Ku-buxah-mari akkel kabri maay lon?

Ermiyaas 34:5

Duma ku kaxxa abbobtiy kok dumal malikwah sugtehiyyah rabal qaydarus akah ruubak sugen innah, ku rabal kaadu qaydarus ruubelon. Rabta saaku koh rookiteloonuuh, Woyyow ni malik rabeh, koh axcelon. Tahat yabtam yoo YALLA› 'yaanam kok iyye, kaak inxic» iyye.

1 Samuwel 31:12

keenik addak agiirah yan mari inkih yan bar Beet-San gufaana'gidih gexak xiinen. Wokke gufen waqdi, Saawul kee Saawul xayloh raysa gidaar baguk oobiseenih, Yaabes-magaala fan beeniih, tokkel carrisen.