2 Aydaad 16:1 - NABUWWA KEE MALIKWA

¹ Aasa malik yekkeemih soddom kee leceyhaytô sanat guffu hee saaku, Malik Baqsa Yuudâ-rasu warareeh, sinam Yuudâ-rasu awqe waytaah afak akah cule wayta innah, Raama deqsitta magaalat maro haam qimbise.

2 Aydaad 16:1 ပူးပေါင်းရင်းမြစ်များ

2 Aydaad 15:19

Tohuk wadir Aasa malik edde yekke soddom kee konoyhaytô sanat guffa haam fanah baaxol carbi masuginna.

2 Aydaad 15:5

Too dabaanal kulli baaxol mango gibdaabina kee amaan-sinna teneeh; tonna-leemiik akak gexe ikke amaanah yaduure num masuginna.

2 Aydaad 15:9

YALLAY kay Dagelta kinnihiyya kay xaqut yanim yublen waqdi, Efrayim kee Manasse kee Simqaanal suggu 'ye mari usuk malikih elle yan baaxo yemeeteeniih, dabqah tokkel gacen. Sarra, Aasa too mara kee Yuuda kee Benyaamah yooboke marah seeco abe.

2 Aydaad 16:2

Toh yuble waqdi, Aasa isi qarih adda kee YALLIH Qibaadah-Qarih addal daanat sugte lakqo kee dahooba wokkek yeyyeeqeeh, Damaskoh magaalal Suuriyah malikih yen Banihadad deqsita numuh ruube.

Ermiyaas 40:1

Baabelon malikih qaskar abbah yen Nabudardan, Raama deqsita aracal Ermiyaas casbik ruubek sarra, YALLIH qangara Ermiyaasal obte. A num kaa elle yifdigem, Yarusalaam magaala kee Yuudâ-rasuk Baabelon-rasu fan seewah beyan maray silsilatat axawah yanihiyyah addat kaa yuble waqdik ten.

Ermiyaas 41:9

Ismaaqil qide marih raysa inkih edde qidem, inki birkatak teneeh; too birkat kaxxam naba birkatak ten. Too birkat bicissem, malik Aasa deqsita malikik teneeh; akah bicsem, Baqsa deqsita malikiy Israayil amoytah yenehiyyah qeebi kaat abe saaku, woo qeebik amo edde raaqisa'gidik ten. Ismaaqil too kaxxa birkat too marih raysak kibe.