2 Aydaad 15:6 - NABUWWA KEE MALIKWA

⁶ Doolat doolatat xukkutakaay, magaalak teenal yan mari, gersi magaalal yan maral umam baahak yen. Tohum akah akkuk tenem, Yalli isi makkok gadaama kee gibdaabina sinaamal oobisak sugeemih sabbata.

2 Aydaad 15:6 ပူးပေါင်းရင်းမြစ်များ

2 Aydaad 12:15

Racabqam qimbooy ellecabo fanah abba heem kee kay buxah marak nasab elle geytintam, Nabi-Samaqya-Aydaada kee Nabi-Qiddoh-Aydaada deqsitta namma kitaaba. Racabqam kee Yarobqam addunyal yenen saaku, kulli way carbi tittat abak sugen.

2 Aydaad 13:17

Abiyya kee kay qaskar kaxxa qawwalayla keenit abteeh, Israayil qaskarak koona boolih alfi takkem qiden.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 19:2

YALLI iyyaamah, «Masri addal sahda kee sahda qeebih tittat ruubeyyooh; toobokoyta kee toobokoytaay, cuggaane kee cuggaane qeebih tittat ruubeyyo. Namma magaalah mara qaduwwih tittin amot heeyyo. Doolatwa tittat ruubeyyo.

Ermiyaas 25:32

«Qagisay keenik intamaa, YALLAY Nabaamak Nabahiyya siinik iyyamaa, ‹Bala temeetek, wagita. Umaane fuluk axcuk baaxook baaxoh marat tabta. Baaxô-maggaraqak kaxxa caaco ugutta› keenik inxic» yok iyye.

Qaamus 3:6

Carbi yaniimih warsah kaayisan baanta magaalah addal kaayisan waqdi, ah yaabbeh meysite waa num maay yan? Mayan. Yallih amri maleh magaalat umam takkem bictaa? Mabicta.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Makaabon 2:14

Toh keenik yuble waqdi, YALLI bagcarriteeh; umeynit buxaaxi keenik akah bubta'nnah abe. Dariifal keenik sugga 'te naqboytit caylah keenik yiysiiseh. Naqboytiitit koysitoonu yeffereenih.