2 Aydaad 14:9 - NABUWWA KEE MALIKWA

⁹ Ayrok teena Dara deqsita numuy Kuusuh yoobokehiyya malyoon qaskariita kee sidiica boolih faras-gaariy qeebi edde abaanahiyya haysitta heeh, Yuudâ-rasu yabbixe'gidih, Mareesa deqsitta magaala xaqu yemeete.

2 Aydaad 14:9 ပူးပေါင်းရင်းမြစ်များ

2 Malikwa 19:9

Assuuriyah malikik migaq Sanceeribik ten. Ta malik, «Masri-malikiy Tirhaaka deqsitaah Kuusuh yaabukehiyya foocat-akak-yan-qaskar, kay qaskarat qeebi abta'gidih tamaate» 'yaanamih xaagi yemeete. Assuuriyah-malik tah yoobbe waqdi, Malik-Ciskiyyaahu fanah qagseh farmo ruube.

2 Aydaad 11:8

Gat kee Mareesa kee Diif kee

2 Aydaad 14:10

Aasa qeebi kaat aba'gidih, elle suge ikkek yemeete. Sarrakaa, Dafaata-Golo deqsita aracay Mareesâ magaalat xayuk raaqahiyyal fooca kee foocah gacca 'yeenih qeebih bicsiten.

2 Aydaad 16:8

Macaa, mangah tu gactek, Kuus kee Liibiya loowo sinni gaariiray qaskar qeebi edde abtahiyya kee mango qaskaray faras amok qeebi abtahiyya luk tene'mmay, woo saaku YALLAL kibaal hayteemih sabbatah, YALLI keenik koo yiysiseh.

Yasaqya 18:2

doolat farmo baaha mari bayrek bicsen doonikit gacca 'yeh badal amaatele. Farmot sissiki maraw! Qande le doolat le maray xeeriih, tonnah kaadu, xagar arab akak xamciniih addunyal inkih akak meysitaanahiyya fan farmo beya. Ken baaxo weeqaytitte adda akak radde baaxo.

Yacedkel 30:5

Too qeebit, Kuus kee Liibiyaay, Liidiyaay Qarab kee Kuub deqsita rasuk kirah baaheenih sugen qaskar rabele. Masri lih bica abe mari too qeebit rabele› 'yaanam inxic» iyye.

Qaamus 9:7

YALLI iyyemii, «Israayil ummatey, isin Kuus marih bis yol maay aalle waytan? Sin Masri baaxok akah eyyeeqe innah, Filistiin mara Kireet rasuk eyyeeqeeh, Suuriyah mara kaadu Kiir rasuk eyyeeqe.

Miika 1:15

Maresa deqsitta magaalah maraw, YALLI naqboytiitih siinik yan marih gabal sin heeleeh; too mari magaala siinik abbixele. Israayil makaabonuy kaxxa migaq gexxo luk tenehiyya Qadullam deqsita aracal tan gablah addat ambooqorelon.

Yoosuwa 15:44

Kaqiila kee Akdib kee Mareesa deqsitta magaalooli inkih kenim tekke. Toh tittat sagla magaalak ten. Toh lih kaadu woo magaaloolik dariifal sugga 'te gaandoodi inkih kenim tekke.