2 Aydaad 14:11 - NABUWWA KEE MALIKWA

¹¹ Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

2 Aydaad 14:11 ပူးပေါင်းရင်းမြစ်များ

1 Malikwa 8:44

«Ku mari, atu ken amrissa waqdi, naqboytiitih isik yan marat qeebi abaana'gidih gaadan waqdi, faxe ikkeliiy yanoonay, a magaalay isih doorittehiyya kee ta Qariy ku qibaadah xisehiyya fan ufkunna 'yeenih kooy YALLAH yanihiyya kallacan waqdi,

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

2 Aydaad 13:12

Qeebil Yalli isih nee miraaciseleeh; kay seeka qeebi sin lih abnu wayna waqdi, taaguru wayta *baanta taagure'gidih bical tan. Tanna'mmay Israayil ummatey, siinik axceemihii, YALLAY isin akak radden sin kaxxa abbobti doorehiyya lih qeebih abtaanam maduddaanak mataqabina» 'yaanam keenik iyye.

2 Aydaad 13:15

qaskar qeebih tirtirisse. Too waqdi too qeebil Yalli, Abiyya kee Yuudâ mara, Yarobqam kee Israayil qaskarak yiysiiseh.

2 Aydaad 13:18

Too qeebil Yuudâ mari kaxxa nasri geeh; too nasri akah geenimii, YALLAY ken kaxxa abbobti doorehiyyal imaan heenimik ten.

2 Aydaad 14:10

Aasa qeebi kaat aba'gidih, elle suge ikkek yemeete. Sarrakaa, Dafaata-Golo deqsita aracay Mareesâ magaalat xayuk raaqahiyyal fooca kee foocah gacca 'yeenih qeebih bicsiten.

2 Aydaad 16:7

Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

2 Aydaad 18:31

Oson Malik-Yacoosafat yublen waqdi, yakkeenimiik inkih Israayil malik kaa yekkeleeniih; too waqdi kaa yabbaxoonuh kaa fan yenkeleeleben. Takkay immay usuk xongolo abe waqdi YALLAK cato geeh, Yalli aki kabul ken yuyfukune.

2 Aydaad 20:12

Ni Dageltaw, a axxul le qaskaray qeebi net abahiyyat edde kalalinna qande mannu immay, ken neh digaal. Kook sah nee cattam matanaay; abnam manaaxigaay, catoh waginnam koo» iyye.

2 Aydaad 20:32

Kay abba Aasak kaxxih, YALLIH garil cakkik tan taamah taamitak yen.

2 Aydaad 25:8

A mari carbil kaxxam koh xiqeloonum takkale koo immay, nasri koh teceeh qeebil naqboytak koo taysiisem, Yalla ikkal, a mara hinna. A mari sin lih gexek, Yalli naqboytit siinik aysiisele» kaak iyye.

2 Aydaad 26:7

Filistiin-mara kee, Gurbaqal deqsitta magaalal ten Qarab kee, Maquunim deqsita marat abe gaadul Yalli nasri kaah yecee.

2 Aydaad 32:20

Too waqdi Malik Ciskiyyaahu kee Amox baxa nabi Yasaqya Yalla kallaceeniih kaal weeqeeniih cato kaa esseren.

2 Aydaad 32:8

Usuk catoh sahdaytu leeh; nanu catoh YALLAY ni Dageltah yani lino. Ni aftok qeebi neh abtu waytam kaa» keenik iyye. Ummatta ken malik a yaabat yaabam toobbe waqdi niya keenit gacte.

Yasaqya 10:20

Too ayro, Israayil marak raqte saabo, ken bayse maral kibaal mahaysitta. Oson nummaak kibaal elle hoonu waanam, YALLAY Israayil doore Dagelta kinnihiyyay *kudduusuk yani.

Yasaqya 2:22

Tonna'mmay sahdaytuy rabah yakkehiyyal kibaal mahana. Sahdayti ma tuxxiq leh?

Yasaqya 26:13

YALLAW, ni Goytaw, ni Dageltaw, ku cato geyak, naqbudem koo. Kok sah reedonwa ni-amol sugte.

Zakariyya 2:8

YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

Makaabon 7:7

Too waqdi YALLI Gidqoonuk iyyeemih, «A sidiica boolih numuy lee gabah kumusak aaqabuk sugeenihiyyah gabat, Miidiyan marak sin aysiiseyyok, raqqa 'ye marak inkih buxah uduura inxic» iyye.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:47

Akkel yan mari kaadu YALLI isi mara cata'gidih seef kee macaxu faxe waam ablelon. Qeebil taysu waytam YALLAAY; takkeenimik ni gabat sin heele» kaak iyye.

1 Samuwel 2:9

Kaal teemenem dacrissam kaa; uma mari dite-gadda yakke. Sahdayti nasri akah geyam isih le qande hinna.