2 Aydaad 13:18 - NABUWWA KEE MALIKWA

¹⁸ Too qeebil Yuudâ mari kaxxa nasri geeh; too nasri akah geenimii, YALLAY ken kaxxa abbobti doorehiyyal imaan heenimik ten.

2 Aydaad 13:18 ပူးပေါင်းရင်းမြစ်များ

2 Malikwa 18:5

Ciskiyyaahu YALLAY Israayil doore Dageltah yanihiyya yeemeneeh; Yuudâ-rasi kay innah yan malik duma luk masuginnaay, sarra kaadu kay lakal magenna.

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

2 Aydaad 13:17

Abiyya kee kay qaskar kaxxa qawwalayla keenit abteeh, Israayil qaskarak koona boolih alfi takkem qiden.

2 Aydaad 13:19

Abiyya Yarobqam qaskar lakak ayradduk xiiriyya ken hee. Yarobqam abbootanah amol akak yen magaaloolik tu takkem yibbixeh. Tohumuu, Beetal kee Yasaana kee Qefron kee too magaaloolih dariifal ten gaandoodik ten.

2 Aydaad 14:10

Aasa qeebi kaat aba'gidih, elle suge ikkek yemeete. Sarrakaa, Dafaata-Golo deqsita aracay Mareesâ magaalat xayuk raaqahiyyal fooca kee foocah gacca 'yeenih qeebih bicsiten.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

Daaniyel 3:28

Too waqdi malik iyyeemih, «Sadrak kee Meesak kee Qabednago taqbude Dagelta faylisa. Ken Dagelti malaykattu keenih ruubeeh, keeniy kaal yaamineeh kaa yaqbudehiyya cateh. Oson yi amri cineeniih, yalla 'yeenih gersim yaqbudeenimik, faxem keenit takke way, isinni Dagelta yaqbudeenimil gaba kalen.

Naacum 1:7

Maqaane YALLI imi. Isi mara gadaamal cata. Kaa wadbita mara dacrisah.