2 Aydaad 12:13 - NABUWWA KEE MALIKWA

¹³ Racabqam Yarusalaamal malikih elle raaqeeh, qandeh lafitak lafte. Naharak malik yekke saaku qumrik morootom kee inki sanatat yeneeh, taban kee malcina sanat Yarusalaam magaalal malikih suge. Yarusalaam magaala, YALLI inkih yan Israayil rasuk kay qibaada elle abaana'gidih doore magaalak ten. Racabqam ina migaaqah Naqma deqsitak teneeh; Qammon deqsita marah aabakuk ten.

2 Aydaad 12:13 ပူးပေါင်းရင်းမြစ်များ

1 Malikwa 11:1

Suleeman gersi baaxoh agabuk mangom yikcine. Masri malikih baxá abiteeh, kalah kaadu Ciitaay Mooyabaay Qammonuy Edom kee Sayda deqsitak yen marih agabul digibe.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 14:21

Suleeman baxi Racabqam, Yuudâ-malik yekke saaku, morootom kee inki karmat yen. Yarusalaam magaalay YALLI Israayil magaalak inkih isi qibaadah abittoh doorehiyyal, taban kee malcina karma malikih suge. Racabqam ina Naqma deqsitta barrak teneeh, Qammon deqsita marah aabakuk ten.

2 Aydaad 12:1

Racabqam malik tikka 'yeh abbootan maqar bahha kaak hee saakuuk xabba haanam, kaa kee usuk amol akak reede mari YALLIH xinto cinaanam baahen.

2 Aydaad 13:7

Sarrî-daban kaadu anfiqe sinni maritteeta gaabossa heeh, kaak raaqe baxay woo saaku qunxaaneey ixxiga boola kee kasih dagna lehiyyat qeebi abe.

2 Aydaad 6:5

‹Inni mara Masrik eyyeqqa heemiiy akke, Israayil baaxol yoo elle yaqbuden qari elle xisan magaala dooreh masuginniyo. Yi mara miraacisu waa num duma dooreh masuginniyo.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Nacmiya 13:1

Too saaku Yalli Muusal ruube xinto fayya haak yikriyen waqdi, kitab addak «Qammon kee Mooyab deqsitta kedoh yooboke mari, Yallih mari diini qaadah elle gaaboowe arac amaate waama» 'yaanam inta exxa keenih yikriyen.

Nacmiya 13:26

Sarrak keenik exceemih, «Malik Suleeman dambit asissem, marin baaxoh agabu. Malik Suleeman kulli baaxoh malikwak inkih naba malikik ten. Yalli kaa yikcineeh, Israayil marak inkih malik kaa abe. Tohuh, ellecabol, tama taway isin abtan dambih gadda yekke.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.