2 Aydaad 12:1 - NABUWWA KEE MALIKWA

¹ Racabqam malik tikka 'yeh abbootan maqar bahha kaak hee saakuuk xabba haanam, kaa kee usuk amol akak reede mari YALLIH xinto cinaanam baahen.

2 Aydaad 12:1 ပူးပေါင်းရင်းမြစ်များ

1 Malikwa 12:17

Tohih sabbatah Racabqam dibuk Yuudâ-rasul dabaaqah suge marih abbootan luk raaqe.

1 Malikwa 14:21

Suleeman baxi Racabqam, Yuudâ-malik yekke saaku, morootom kee inki karmat yen. Yarusalaam magaalay YALLI Israayil magaalak inkih isi qibaadah abittoh doorehiyyal, taban kee malcina karma malikih suge. Racabqam ina Naqma deqsitta barrak teneeh, Qammon deqsita marah aabakuk ten.

1 Malikwa 9:9

Too waqdi tokkel suge mari, ‹Ama marat ah akah tekkem, YALLAY ken kaxxa abbobti Masrik yeyyeeqehiyya cabba heenih gabak bicsen duyyeeya qibaadat gaceenih. Tohih sabbatah YALLI tama-umaane keenil oobise› 'yaanam axcelon» kaak iyye.

2 Malikwa 17:19

Tohuh, Yuudâ-mari kaadu YALLAY ken Dageltah yanihiyyah amri moggolinnoonuy, Israayil-mari abak sugem aben.

2 Aydaad 11:17

Too mari malikih suge Suleemán-Racabqam cateeh; tohuk gexxaamah, Yuudâ-baaxo maqar baahak maacisse. Tonnal, sidooca sanatah, Dawud kee Suleeman raat katayak xiinen.

2 Aydaad 11:23

Racabqam abam kasat abak yen. Xaylo elle gactu wayta arooca kee abbootan meqe innal keenih kureeh; Yuuda kee Benyam rasul tan magaalooliy gasoosi maroh edde tanihiyyak kulli numuh elle gacu waa magaala kee yaallu waa abbootan naharal elle keenih yecee. Cindah mango mattaco keenih yeceeh, mango agabu digibih keenih abe.

2 Aydaad 11:3

Malik Racabqam kee, Yuuda kee Benyaamah yooboke marah farmo ruube.

2 Aydaad 12:13

Racabqam Yarusalaamal malikih elle raaqeeh, qandeh lafitak lafte. Naharak malik yekke saaku qumrik morootom kee inki sanatat yeneeh, taban kee malcina sanat Yarusalaam magaalal malikih suge. Yarusalaam magaala, YALLI inkih yan Israayil rasuk kay qibaada elle abaana'gidih doore magaalak ten. Racabqam ina migaaqah Naqma deqsitak teneeh; Qammon deqsita marah aabakuk ten.

2 Aydaad 24:18

Tonna-leemiik ummatta YALLAY oson akak raden ken kaxxa abbobti elle aamanuk sugtehiyyah xisen qaril abak sugen qibaada cabba heenih, xeet kee cooxuk bicsen duyyeeya kee Aseera deqsittaamay yaqbudeenihiyyah astah soolisen gurumuudah qibaadat gacen. Oson too umaanet aseenim, Yuuda kee Yarusalaam maral Yallih naqabu bahte.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Ermiyaas 2:31

«Siinik axcem yok toobbeenik sin esseru waak ankacisay! Anu bacarih tan baaxoy num bakaarak elle waddiime waa, siinil ekkem maa saakuu? Ditey baaxo akah able waytaanahiyya siinil ekkem maa saakuu? ‹Ahaysa currik yan mara kinninooh; ninnih fanxem abenno ikkal, ku fanah manamaata› 'yaanam akah intaanam macaay?

Hosiqa 13:1

Dumah yan saaku Efrayimih yooboke mari yaaba waqdi, Israayilih yooboke mari meysih axaxitak suge. Amo qunuunusak ken fan wagitak sugen. Takkay immay Baqal akak iyyaanamih qibaadat gaceeniih, dambi lem baahen. Tohuk gexxaamah bayen.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.

Makaabon 2:15

Carbih gexinnaan waqdi, YALLI akah inxicca 'ye innah, abinnaan carbil ken gacsiisak yen. Tonna-leemiik kaxxa gibdaabinat yenen.