2 Aydaad 11:20 - NABUWWA KEE MALIKWA

²⁰ Sarrak kaadu Absalaam baxá abteeh; too awká migaaqah Maqka deqsitak ten. Too barrat lab-xayloh fereey xale. Migaaqah Abiyya kee Qattay kee Diida kee Seloomit keenik axcuk yenen.

2 Aydaad 11:20 ပူးပေါင်းရင်းမြစ်များ

2 Aydaad 11:19

Racabqam a barrat xaylok sidoc luk yen. Migaaqah Yaqus kee Samarya kee Daham deqsitak yenen.

2 Aydaad 11:21

Racabqam-agbi tittat taban kee bacra akkuk yeneeh, wohuk kalah kaadu, caggô-gubih caggoh nikaacat yabbixe agabuk lactam luk yen. Xaylok kaadu lab-urrih labaatanna kee bacra kee say-urrih lactam luk yen. Nikaacat abbaxuk yen agabuk inkihii, kacanuh Maqkah lafitak yen.

2 Aydaad 12:16

Racabqam rabeeh; Dawud-Magaala deqsita caafatal malikwâ-buxah mara edde yoogoqen kabrit kaa yoogoqen. Kay lakal kay baxi malik yekke. Migaaqah Abiyya kaak axcuk yenen.

2 Aydaad 13:1

Yarobqam Israayil malik edde yekke taban kee bacarhaytô sanatat, Abiyya Yuudâ-malik yekke.

2 Aydaad 13:2

Yarusalaamal sidiica sanatah malikih suge. Kaak ina Mikaaya migaq luk teneeh, tet abba Uriyel deqsita numuy Gibqa deqsitta magaalal yoobokehiyyak ten. Ayrok teena Abiyya kee Yarobqam fanal carbi rade.