2 Aydaad 1:2 - NABUWWA KEE MALIKWA

² Ayrok teena Suleeman, Israayilik alfi-alfi kee bool-boolul kurrunte qaskarak abbobtih yen mara kee, cokmi-abeenit kee inkih yan Israayilik kedoh abbobtih yan marah inkih seeco abe.

2 Aydaad 1:2 ပူးပေါင်းရင်းမြစ်များ

1 Malikwa 3:4

Sahda kaxxam tassakaxxem, Gibqon magaalal fayya le aracal yen sadgat-araca. Suleeman gexeh, tokkel sadgat abe. Too sadgatih aracal Suleeman saqak alfi takkem cado-akak-carrisan-sadgatah qidak yen.

1 Aydaad 13:1

Malik Dawud alfi-alfi kee bool-boolul kurrunte qaskarak abbobtih yen mara lih malloysiteeh,

1 Aydaad 15:12

Too mari kaal yemeete waqdi keenik iyyeemih, «Isin Leewih marak saqoltih tantoonuuh; tonna-leemiik isinni kee isinni kedoh xayloh taahirik gactaanama. Tohuk gaba kalla haytan waqdi, YALLAY Israayil doore Dagelta kinnihiyyah Qahdih Sandug elle yani'kkek gexxeenih anu akah bicse siraq fanah baahetton.

1 Aydaad 15:3

Sarrî-saaku Dawud inkih yan Israayil marah Yarusalaam magaala yamaateenimih farmo ruube. Woo farmo akah keenih ruubem, Qahdi-Sandug Yarusalaam magaala fanah baahaana'gidik ten.

1 Aydaad 24:31

Keenih ramad le maray Haarunuk radehiyya elle aben innal, saami caxxa keenih qiden. Saqalah yen numuk rade mara takkuu, qunxa toobokoytah yen numuk rade mara takkuu, taama abaanamak naharal saami caxxa elle qidda haanah saami elle awqinnaan mari abak yen. Malik Dawud kee Saaduk kee Acimalek kee, seekah abbobti kee Leewî-kedoh-abbobtiy wokkel sugga 'tehiyya inkih, tohumul sumaaqah raaqen.

1 Aydaad 24:4

Sek-Alqedar-duruyyat taban kee laca gexoh kuren. Itaamar-duruyyat kaadu bacra gexoh kuren. Alqedar-duruyyat taban kee laca gexoh akah kureenim, kaak rade gulub Itaamarak rade gulubuk manguk yen.

1 Aydaad 27:1

Israayilih yooboke maray malikih taamitak yenehiyya yen. Osonuuy kedo kee gulub-gulubuk abbobti kee, alfi-alfi kee bool-boolul kurrunte qaskarak abbobtih yen mara kee, xintoh-abbobtih yenen. Ken taama macaay inteenik, qaskariino wagitta qaada abbootan luk yenen. Sanatal kulli alsa sissin exxay loowoh labaatanna kee affara alfih qaskariita takkehiyya taamitak ten.

1 Aydaad 28:1

Malik Dawud inkih tan Israayil abbobtih seeco abe. Keenih akah seecem, Yarusalaam magaalal gaaboowaana'gidik ten. Too seecol kedoh abbobti kee, kay dardaarinni maadda haa baaxol doolat abbobtih yan mara kee, gulub-gulubuk abbobtih yan mara kee, malik kee kaak lab-xaylo edderra hayte midirik amo wagitak yan mara kee, kay qaril abbootan luk yan mara kee, qaskarak foocat tan qaskar kee, wohuk kalah yan maray muxxo lehiyyak num maraaqinnay, inkih Yarusalaam magaalal gaaboowen.

1 Aydaad 29:1

Malik Dawud inkih tan ummatak iyyeemih, «Yalli malikih siinih doorem, yi baxa Suleemana. Takkay immay usuk ahayduma qunxa numuuy; taama elle aban innih ixxiga mali. Away xisneh kaa qambaltam, malik-qari hinnaay, Dageltah yan YALLIH Qibaadah-Qari. Tonna-kinnuk mango taama faxxiimele.

2 Aydaad 1:3

Too waqdi Gibqon deqsita magaalal yen aracay Yalla elle yaqbudeeni fan ken lih gexe. Tokke fan akah gexeenim, Yallih Nabnah-Siraq tokkel yen. YALLIH naqasuh yan Muusa addunyâ-bagul yen saaku, bacarih tan baaxol woo siraq bicseenih yenen.

2 Aydaad 29:20

Too waqdi Malik Ciskiyyaahu sissikuk gexxa 'yeh, magaalak saqoltih yan marah seeceeh; too mari titta lih gacca 'yeenih, YALLIH Qibaadah-Qari fan gexen.