2 Aydaad 1:14 - NABUWWA KEE MALIKWA

¹⁴ Suleeman alfi kee affara bool takke gaariiray faaris beyta kee, taban kee namma alfih farasay qeebi abtahiyya gaabossa hee. Tohuk tu takkem Yarusalaamal abbaxuk yeneeh, wohuk kalihim mango magaaloolil kaak ten.

2 Aydaad 1:14 ပူးပေါင်းရင်းမြစ်များ

1 Malikwa 10:16

Suleeman kaxxam naba goobwak namma bool takkem galbabbaqisen dahabak bicseeh, kulli gob malciina kiilo yakke dahabak bicse.

1 Malikwa 4:26

Suleeman faaris-gasoosay gaari edde beya faaris tabbixehiyyak morootom alfi gaso luk yen. Tohuk kalah kaadu, amot akak gacan faariisak taban kee namma alfi luk yen.

1 Malikwa 5:6

Ku mari Lubnaan baaxok sariidâ-coox yoh yargiqeeni'gidih, garbo fan ken rubtam kok faxa. Yi marak kaadu tu takkem ken lih taamitta'gid ruubeyyo. Atu akah taaxige'nnah, caxâ-garuq ku mari gersi marak inkih yayse. Cawalah, atu ucuya axcinnaanih gide keenih aceeyyo» kaak iyye.

1 Malikwa 9:19

Lee-kee-qayso akak inxicca 'yaanam kee, faaris kee faarisit beyan gaariira daanah elle hayu waa magaalooli ta marat bicse. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol usuk faxxa haa xisne ken gabat xise.

2 Aydaad 8:6

Baqalat deqsitta magaala kee, leek-maaqoh enna 'tam elle abbaxuk yen magaalooli kee, isi gaariira kee faaris elle abbaxuk yen magaalooli kaadu nammeyhaak xise. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol, usuk faxxa haa xisne xise.

2 Aydaad 9:25

Tohuk kalah gasoosak affara alfi takkem luk yeneeh; toh akah abbaxuk yenem, faaris kee faaris giitak beyan gaariira. Tonnah kaadu taban kee namma alfih farasay qeebi edde abaanahiyya luk yen. Too faroosak garab Yarusalaam magaalal abbaxuk yeneeh; wohuk raqtem kaadu gersi magaaloolih addal abbaxuk yen.