2 Aydaad 1:1 - NABUWWA KEE MALIKWA

¹ YALLAY Dawud baxa Suleeman doorehiyya, Suleeman lih yeneeh, kaxxa num kaa abe. Tonna-leemiik usuk kaadu is le kabuk isi abbootan nagay maqar bahsiise.

2 Aydaad 1:1 ပူးပေါင်းရင်းမြစ်များ

1 Malikwa 2:12

Suleeman, abba lakal malik yekkeeh; dardaarinni kaak kaxxa maqar baahe.

1 Malikwa 2:46

Tohuk lakal malik, Banaayak, «Gexay Simqi qiday am» iyyeeh, too num gexeh kaa qide. Tohuk lakal inkih tan Israayil baaxo Suleeman milkih gacte.

1 Aydaad 17:8

Atu gexinnaan ikke ko'lih gexak suge. Atu fooca fanah akah gutuqta'nnah, naqboytiitik qeebil koo aysiisuk suge. Uxih a addunyah bagul kaxxa migaq-gexxo le marak kaxxih, kaxxa migaq kot heeyyo.

1 Aydaad 22:11

Qagissa heeh kaak iyyeemih, «Tonna'mmay, yi baxaw, YALLAY ku Dagelta kinnihiyya isih xagana akah culla 'ye'nnah, kay Qibaadah-Qarih-xisne ku gabat bicsa'gidih, ko'lih yanay.

1 Aydaad 22:16

dahab kee lakqo kee nacaas kee birtak mansafwâ-bicsa yaaxigehiyya kaadu lito. Tahak wadir taama qimbissaamaay, YALLI koo elle catay» kaak iyye.

1 Aydaad 29:23

Tonnal Suleeman, isi abbah aracay YALLI keenih yeceehiyyal, malik yekke. Suleeman malik yekkek wadiril, abinnaanim gabal kaak bicteeh, Israayil mari kaadu kaah rammitakaay amri kaak oggolak yenen.

1 Aydaad 29:25

YALLI, inkih tan ummat akak cunxitta numuy hayba le kaa abe. Israayilil dardaare marak, Yalli Suleeman gide nabna kee haybak akah yecee malik mananna.

1 Aydaad 29:30

Too kitoobal tanim macaay inteenik, usuk ummat elle xiinisak suge inna kee, usuk qandek luk yene inna kee, kaa kee Israayil ummat kee kay dariifal ten doolatwat tikka 'tem inkih, too kitoobal geytinta.

2 Aydaad 32:23

Mango mari Yarusalaam fan Yallah sadgat baahen. Ciskiyyaahuh kaadu tuxxiq le mattaco baahen. Tohuk gexxaamah too ayrook wadir, kulli rasih mari Ciskiyyaahu assakaxxayuk raaqen.

Yoosuwa 3:7

Tohuk lakal YALLI Yoosuwak annah iyye. «Anu a saaku abu waamak gexxaamah, Israayil mari kaxxa numuh koo abaluk raaqeleeh; anu Muusa lih akah suge innah ko'lih kaadu anim aaxigelon.