1 Samuwel 8:9 - NABUWWA KEE MALIKWA

⁹ Tonna'mmay iyyaanam keenik oobbeyaay numma keenil acuy. Ken malikwa ken elle xiinissu wayta innak adda nagay keenih waris» kaak iyye.

1 Samuwel 8:9 ပူးပေါင်းရင်းမြစ်များ

Ermiyaas 11:7

Kaadu yok iyyemii, «Sin kaxxa abbobti Masrik baahe saaku, ‹Yi yab oobbeya. Yi amri oggola›, 'yaanam fiirik geerah keenik exceh eneeh; uxih a saaku fan a marak axcem tohu.

Yacedkel 3:18

Tonna'mmay umeenah yan num abeh yan uma taamak gexxaamah, edde rabu waa wakti kaat xayim koh warissa heeh; woo num rabak cattiima'gidih, ‹A edde tan uma taama cab› 'yaanam kaak axce wayya hayteh; too num too abak suggu 'ye dambih rabeeh, woo dambi xagarat luk rabelek, tonnal kay raba kok weeyyo.

Yacedkel 46:18

Baaxoh-abba ummat-baaxo ummatak bee waama. Ken baaxok ken xiiriye waama. Isi xayloh baaxo yeceem faxek, isi baaxok yeceemi. Yi marat xukkute waama» iyye.

1 Samuwel 10:25

Tohuk lakal Samuwel ummattah inkih, malik le cakki kee ummatta kaadu kaal le cakki warseh. Gaba kalla hee waqdi, keenih warsem kitaabal uktubba heeh, woo kitab taahirik yan aracat daanise. Tohuk gaba kale waqdi kulli numuk, «Ahaysa isinni buxah uduura» iyye.

1 Samuwel 12:1

Tohuk gaba kalen waqdi, Samuwel Israayil marak iyyemii, «Isin, ‹Ab› yok inteenim abeeh, sin xiinisu waa malik siinih reediseh.

1 Samuwel 14:52

Saawul suggu 'yem fan Filistiin mara luk kaxxa qeebi abe. Qeebil agiru akkiiy celem akki akkinnaan num yable waqdi, isi qaskarat asgalluk yen.

1 Samuwel 8:8

Masri baaxok ken eyyeeqeemiiy akke yoo cabba heenih yi aftok amixxige waytam aqbuduk sugen. Away kok abaanam yok dumaak abak sugeenimi.