1 Samuwel 7:3 - NABUWWA KEE MALIKWA

³ Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.

1 Samuwel 7:3 ပူးပေါင်းရင်းမြစ်များ

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

1 Malikwa 8:48

Oson too baaxoy seewah-ken-elle-beenih sugeenihiyyal nummaak isinni afqadook toobitta 'yeenih koo kallacan ken tekkekii, too kallaciy kot abaanahiyya kaadu a rasu ken kaxxa abbobtih ikoytah taceehiyya fan ufkunnaay, kaadu ta magaalay atu isih doorittehiyya fan ufkunnaay, tonnah kaadu, ta qariy anu ku qibaadah xisehiyya fanah afkunuk aben ken tekkek,

2 Malikwa 17:39

Yooy sin Dageltah yanih amri oggolaay; naqboytak anu sin cateyyo» 'yaanam keenik iyyeh yen.

2 Malikwa 23:15

Yoosiyaahu, Nabát-Yarobqamay Israayil mara dambit asisehiyya, Beetal deqsita aracal, gabak bicsen duyyeh-ceelo elle yaqbudoonuh heeh suge arac kee sadgat elle aben mansaf yiggileh. Too duyyeh qibaadah aracay tokkel hee sugehiyya butukku heeh, xeet akak iggiggilla heeh, gomboduh gacissa hee. Aseera akak iyyan duyyey say-yallah luk sugeenihiyyah soolisen gurmuddat gira ruube.

1 Aydaad 22:19

Tohuk gexxaamah, taway YALLAY sin Dagelta kinnihiyyal isinni afqado kee niyaak taduureenimi. YALLIH Qahdih-Sandug kee Yallih qibaadah nabbixe duyyey taahirik tanihiyya addal akak haytaana'gidih, Dageltah yan YALLIH nabnah Qibaadâ-Qari xisa» 'yaanam keenik iyye.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Aydaad 19:3

Tohu'mmay away uxih Yallih garil maqaanek baxaysite num hinnito. Aseera deqsittaamay yaqbudeenihiyyah astah sooliseenih sugen gurumuuda bayisseh. Yallih gita katayak sugte» kaak iyye.

2 Aydaad 20:33

Tonna'mmay diini-maleela elle taqbude aroocay fayyat raqtahiyya kay dabaanal baateh mananna. Ummat kaadu, isi afqadook ken kaxxa abbobti doore Dageltah qibaadat gaceenih manannon.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Ermiyaas 24:7

Anu yoo edde yaaxigen kas keenih aceeyyooh, tohuk wadir isinnih yoo aaxigelon. Yi mara akkeloonuuh, anu kaadu ken Dagelta akkeyyo. Macaay inteenik, oson tikka 'yaanamaak yol aduurelon.

Ermiyaas 36:3

Yuudâ-mari, anu keenil oobisam faxa bala yaabboonu waan waqdi, away edde yanin dambik yaduureenim takkeh. Oson too dambik yuduureenik, anu kaadu duma aben umaanek qafu keenih abeyyo» kaak iyye.

Ermiyaas 4:1

YALLI siinik iyyaamah, «Israayil maraw, yol taduureenim faxxeenik, yol uduura. Anu faxe waa duyyey isinni gabak bicisseenihiyya taqbudeenim cabaay; yi qibaadal digga axcuk,

Yacedkel 14:6

«Tonna-leemik Israayil marak, ‹YALLAY Mulki lehiyya siinik iyyaamah: Ama qaybik tan xeet kee cooxuk bicsen duyyeh qibaada cabba haay yol uduura› keenik inxic.

Yacedkel 18:31

Edde tanin uma taamak uduuraay qusba niya kee afqado haysita. Maabinay yi gabat isinni maqidina.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Yoosuwa 13:31

Tonnah kaadu, Gilqad rasuk garab takke baaxo kee, Qastarot kee Adraqi deqsitta namma magaalay Qoog deqsita malik dabaaqah elle yene kenim abe. Ta baaxoy tikki 'tahiyya inkih Manasse-Makirik rade marak garabah yecee.

Yoosuwa 24:14

Yoosuwa qagseh keenik iyyemii, «Hay, taway, YALLAK meysitaay imaan kaal hayya haay, isinni afqadook kay qibaadat gaca. Sin kaxxa abbobti Furaat weeqaytuk woo qaxa kee Masril, Yallih aftok aqbuduk sugte duyyeeya maqbudinay, wonnah baaxot qida. Dibuk YALLA uqbuda.

Yoosuwa 24:23

«Hay, tonnal, ama gabat liton marin mari yaqbude xeet kee coox wonnah qidaay; imaan YALLAY Israayil doore Dagelta kinnihiyyal digga haa» iyye.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 2:11

Tohuk lakal Israayil mari YALLIH garil dambi lem abak maacisen. Yalla cabba heenih Baqal deqsittaamay Yallih innah yaqbudeenihiyyah qibaadat gacen.

Makaabon 2:13

Too mari YALLA cinna heeh, Baqal kee Qastarot akak iyyan duyyeh qibaadat gacen.

1 Samuwel 31:10

Sarrak Saawul silac Qastarot deqsittaamay Yallih aftok yaqbudeenihiyyah qibaada elle abaana'gidih xisen qarik addal heen. Raysa kaak Beet-San deqsitta magaalat maroh tan gasok bagut xakbisen.