1 Samuwel 7:2 - NABUWWA KEE MALIKWA

² YALLIH Qahdi addat akak yan Sandug Kiryat-Yaqaarim addal mango wakti suge. Labaatanni sanatih gide wokkel suge. Ta sandug wokkel suggu 'yem fanah, Israayil mari weeqak, YALLAL gacaanam faxak sugen.

1 Samuwel 7:2 ပူးပေါင်းရင်းမြစ်များ

1 Aydaad 13:3

Sarrak kaadu Yallih-Qahdih-Sanduguy Saawul dardaare saaku amo akak wagte weenihiyya akke fan bahnay» 'yaanamah mala keenil baahe.

1 Aydaad 13:5

Tohuk wadir Dawud Israayil ummatak, Masri cuduuduk gabbi-qaxat raaqa aracak, Camat deqsita daabay kilbat le kabut raqtahiyyah amma 'yaanam tan dabaaqah yan marak, «Gaaboowa» 'yaanamih seeco abe. Too seeco keenih akah abem, Yallih-Qahdi edde yan Sandug Kiryat-Yaqaarim magaalak Yarusalaam fan baahaana'gidik ten.

Ermiyaas 26:20

Ermiyaasak kalah kaadu, Samaqyáh-Uriyya deqsita nabi yen. Too nabi elle yoobokem, Kiriyat-Yaqaarim deqsitta magaalak ten. Too nabi kaadu Ermiyaasak kaxxih, a magaala kee a marat takku waytaamay YALLI kaak warisa iyye warseh yen.

Ermiyaas 3:13

Qellat lem bahteenim isinnik ixigaay, yooy YALLA kinnih sin Dageltah yanihiyyak amri cinteenim isinnik ixiga. Yi amri cinna hayteenih, silal allinnaan caxah gubal yi aftok duyye taqbuden. Toh qellat kinnim isinnik taaxigeenimi. Tahat yabtam yoo YALLA, keenik inxic› 'yaanam yok iyye» iyye.

Ermiyaas 31:9

Namma intik ximo keenik amaatuk aduurelon. Anu ken miraacisa way dooqa abak amaatelon. Gitah darah gexxa leek xaqut-xaqut ken beeyyo. Saytun gitay adaf sinnihiyyat ken beeyyo. Toh keenih akah abu waam, Israayil marak abba kinniyooh; Efrayim yol naharsi-baxih gide» 'yaanam iyye.

Yoosuwa 9:17

Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

Makaabon 2:4

YALLIH malaykatti ah iyye waqdi, inkih tan Israayil ummatta weqteh.

1 Samuwel 7:1

Toh yoobbe waqdi Kiryat-Yaqaarim mari yemeeteh, woo sanduguy YALLIH Qahdi addat akak yani beeniih, Abinadab deqsita numih buxah been. Abinadab guubuh koomah amol yen. Kay baxay migaaqah Alqedar deqsitak yenehiyya, woo sandugih dacayrit akah gaca'nnah, YALLIH garil taahirik yan num kaa aben.

1 Samuwel 7:3

Sarrak Samuwel Israayil marak annah iyye, «YALLAL baguuk taduureenim faxxeenik, a duyyeeyay gersi mari yalla 'yeh yaqbudehiyya kee, yalla akak intan Qastarot akak iyyaanamih ceeloy gabat litoonuhiyya wonnah qida. Dudda haytaanam kee, niyak elli haytaanamaak, YALLAL gactaanamaay dibuk kaa uqbuda. Filistiin marih gabak sin cattu waytam, inki Dagelta» keenik iyye.