1 Samuwel 7:10 - NABUWWA KEE MALIKWA

^10-11 Samuwel Yallih sadgatih abittot yan waqdi, Filistiin-mari ken yabbixe'gidih keenit xayyooweh yen. Too waqdi YALLI qaraanaak kakkaqo keenil ruube. Too waqdi aben wariggah fixixeenih, mariiy kabul keenik gexe. Toh yublen waqdi, Israayil mari Mixfa deqsita aracaak keenit aben ardat Beet-Kaar deqsitta magaala fan ken baahen. Gital mango mara keenik qideenih, keenik yayseenih.

1 Samuwel 7:10 ပူးပေါင်းရင်းမြစ်များ

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

Makaabon 4:15

Barak isi qaskar luk ken yabbixuh yemeete waqdi, YALLI, Sisra kee kay gaariiray biriitak bicseenihiyya kee kay marat badit qide. Too waqdi Sisra isi gaarih amok oobeh ibay ibah yoowwe.

Makaabon 5:20

Cutuuka qaraanaak qeebi abte; cutuuka qaraanal yan isi gita gexak Sisrat qeebi abte.

Makaabon 5:8

Israayil mari Yalla akke sinnim yuqbudeh; too saaku woo baaxol qeebi gace. Morootom alfi yakke Israayil marat gob kee macaxu gabat le num mananna.

1 Samuwel 12:17

Away edde nanim rob edde yamaate wakti hinna'mmay, taway anu YALLA esserak, ‹YALLAW, kakkaqo kee rob rub› axceyyooh; YALLI too waqdi kakkaqo kee rob ruubele. Tah takku wayta waqdi YALLAK, ‹Malik neh reedis› inteeniih, tohul YALLAL dambi lem bahteenim isinnik aaxigetton» iyye.

1 Samuwel 14:15

Barril yanoonuu, carbi booxal yanoonu, *Filistiin qaskaray qarwat sugtet kaadu cunxoh axaxo keenit hayte. Tohut yanin waqdi baaxo edde tengeyyeh. Too saaku too marat Yalli badit kee meysi ruube.

1 Samuwel 2:10

YALLI isi naqboytit foyyisele; Kulliimik daga raaqa Dagelti qaraanak keenit kaayele. YALLI inkih tan addunyal ackumele. Isi malikit qande heeleeh; isih doore malikih nasri aceele» 'yaanam inte.