1 Samuwel 6:20 - NABUWWA KEE MALIKWA

²⁰ Tohuk gexxaamah Beet-Semes mari iyyemii, «YALLAY *kudduusuk yan Yallah yanihiyyah foocal, iyyi soolu duudaah? Ninnik kaa nayxeeri'gidih, manke kaa rubnaah?» iyyen.

1 Samuwel 6:20 ပူးပေါင်းရင်းမြစ်များ

2 Samuwel 6:7

YALLI too waqdi bagcarriteeh; toh Quddah raba xalte. Ta rabi kaa akah yibbixem, Yallat luk suge baaqid sinna. Qudda tokkel elle, Yallih Qahdi addat akak yan Sanduguk garit rabe.

2 Samuwel 6:9

Too ayro Dawud YALLAK meysitak raaqeeh; «Ahaysa, YALLIH Qahdi addat akak yan Sandug yi magaala fan beyam matakka» iyye.

Malaaki 3:2

Takkay immay usuk meqe saabun wasak elle kala'nnaay, giray birta tasiffiye innah amaatele. Tonna leemiik usuk yamaatu waa waqdi, iyyi sugam duudaa? Usuk yamballayu waa waqdi, kay foocal iyyi soolam duudaa?

1 Samuwel 5:7

Oson ahat raden waqdi iyyeenimii, «Israayil doore Dagelti, nee kee ni yalla Daagon digaalah yaniih, neh yaabbeh mayanak, Yallih-Qahdih-Sandug rubnam tayse» iyyen.