1 Samuwel 6:17 - NABUWWA KEE MALIKWA

¹⁷ Filistiin mari a koona dahabay laahi-baxxi-ceelok bicseenihiyya akah ruubeenim, Asdood kee Gat kee Askalon kee Gaada kee Ekron deqsitta magaaloolih mari abe dambik qafu geyaana'gidik ten.

1 Samuwel 6:17 ပူးပေါင်းရင်းမြစ်များ

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

2 Samuwel 21:22

Ta affara numuy Dawud kee Dawud qaskarih gabat rabtehiyya, Gat deqsitta magaalal yooboke marak teneeh; masi nabna lagok luk yenen.

2 Malikwa 1:2

Israayil-malikih yen Malik-Acadya isi qarih amol yen qarik taagat boohaahik radeeh, kaxxam biyaakite. Too waqdi Filistiin-magaalay migaaqah Ekron deqsittahiyya Baqal-Dabub-deqsittaamay yalla 'yeenih yaqbudeenihiyyal woo biyaakak uram kee ure wayu waam esseraana'gidih, farmoh sinam ruube.

2 Aydaad 26:6

Quddiyya Filistiin marih gaaduh ugteeh, Gat kee Yabne kee Asdood akak iyyan magaalooli yiggileh. Asdood xaqu kee raqqa 'te Filistiin rasul magaalooliy gasoosa maroh edde tanihiyya xise.

Ermiyaas 25:20

allî-baaxoh maray Masril dabaaqah yene kee, Quux deqsitta baaxoh malikwaay, Filistiin magaaloolik Askalon kee Gaada kee Ekron akak iyyan magaaloolil dabaaqah ten malikwaay, Asdood deqsitta magaalal baatik raaqe maraay,

Qaamus 1:6

Kaadu qagissa heeh iyyemii, «Aham YALLI iyyaama. ‹Gaadâ-mari fiiruk geerah dambi le taama abeenih; tohuk gexxaamah ken digaaleyyom digga le. Inkih yan ayyunta seewah beenih, Edom maral naqoosah ken yeylemmen.

Qaamus 6:2

Kalne deqsitta magaala fanah gexay wokkel tanim ubula! Wokkek bisoh taturra 'xicay Camat deqsitta kaxxa magaala kee Gaat deqsitta magaalay Filistiin mari elle yanihiyya fanah gexay tanim ubula. Woo mari siinik maay yayseeh, ken baaxo sin baaxok maay taysee? Mataysa.

Makaabon 1:18

Yuudah yooboke mari kaadu Gaada kee Askalon kee Ekron deqsitta magaalooli kee too magaaloolih dariifal tan baaxo yibbixen.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

Makaabon 16:1

Ayrok teena Samsoon Gaada deqsitta magaala gexe. Tokkel xiiqareh-xiina geeh tet lih xiine.

Makaabon 16:21

Filistiin mari kaa yibbixeeh, namma inti kaak yeyyeeqeenih. Gaada deqsita arac kaa beeniih, tokkel nacaasak bicsen silsilatat kaa yoxeen. Casbit kaa heeniih daro eceyyal kaa riysiisen.

1 Samuwel 5:1

Filistiin mari Yallih Qahdi addat akak yan Sandug Eben-Qeder deqsita aracak isinni magaala fan been. Ken magaala migaaqah Asdood deqsitak ten.

1 Samuwel 5:10

Tohih sabbatah woo sandug woo magaalak Ekron deqsita magaala fan ruuben. Ekron kaadu Filistiin magaalak ten. Too sandug tokke baahen waqdi, woo magaalah mari, «A mari nee qida'gidih, a Israayil doore Dageltih-Sandug nee fan baahaanah yanin» iyyeenih, uma-xaw keenit xaawen.

1 Samuwel 5:8

Tohuk lakal woo Filistiin baaxok koona malikih seeco aben. Gaaboowen waqdi keenik iyyeenimii, «Israayil doore Dageltih-qahdi addat akak yan Sanduguk maca abnooh?» iyyen. Osonuuy, «Gat magaala fan beya» iyyen. Gat kaadu Filistiin magaalak ten.

1 Samuwel 6:4

Oson, «Hay, abne dambik qafu geyna'gidih, mannah tan mattaco kaah rubnooh?» iyyen. Too mari keenil gacseemih, «Laahi-baxxi ceelok bicsen koona dahab kee, hantuuti ceelok bicsen koona dahab bicisa. Woo konooyuk kulli tiiy Filistiin baaxoh koona malikih migaaqak loowimele. Sin kee Filistiin koona malikil raddem inki bala.