1 Samuwel 6:14 - NABUWWA KEE MALIKWA

¹⁴ A gaari, Yoosuwa deqsita numuy dabqih Beet-Semes magaalal yenehiyyah buqre fan amma inteeh, tokkel yen kaxxa xixxaqih garil solla inte. Too waqdi woo mari woo cooxuk bicsen gaari godmat yirgiggiqeeniih, woo laahih nammay sadgatah qiden. Cado akak YALLAH sadgatah cararisen.

1 Samuwel 6:14 ပူးပေါင်းရင်းမြစ်များ

2 Samuwel 24:18

Too ayrot Gaad Dawud fan yemeeteeh, iyyeemih, «Ugutay Ornan le aracay daro caffak elle baxsaanahiyyal, YALLAH sadgat elle abtu wayta arac bicis» kaak iyye.

2 Samuwel 24:22

Ornan, «Meqeh hay! Elli hay. Yallih migaaqal sadgatah isih faxxa haytam yok beetto. Sadgat elle aban aracal sadgatah qiddu wayta awurwa, ah kaanak, bey. Darok caffa edde kalan coox kee *madmad kaadu, ah kaanaay; sadgatah tasguudu wayta saqih cado elle alaysetto.

2 Samuwel 24:25

Limok gaba kale waqdi, YALLAH sadgat elle aban arac bicseeh; tohuk lakal woo aracal cado akak carrisan laa sadgatah elle qide. Tonnah kaadu, amaanah xiinaanamih astah aban sadgat abe. Too waqdi YALLI kay sadgat oggoleeh, lakimi Israayil baaxok inkih yeerreh.

1 Malikwa 19:21

Too waqdi Eliisaq uduurra 'yeh isi awurwa yusguudeeh; cado elle alaysa'gidih, buqure edde abak suge *madmad iggilla heeh elle alayse. Woo cado ummattah keefeeh, woo ummatta woo cado tokmeh. Tohuk gaba kale waqdi, kaa cata num yakke'gidih, Eliyyas kataye.

Makaabon 21:4

Ciggilta ayro maaca dibrot sadgat elle aban arac bicissa heeniih, cado akak carrisan saq sadgatah woo aracih amol carriseeniih, tonnah kaadu amaanah xiinaanamih astah aban sadgat tokkel aben.

Makaabon 6:26

Tohuk lakal a koomah amol, meqe'nnal heen xeetik, YALLAY ku Dagelta kinnihiyyah sadgat elle aban arac bicis. Malcina karmat yan awur bahha haay, cado akak carrisan sadgatah, woo Aseera deqsitta gurmuddak tiddigille bocol cararis» kaak iyye.

1 Samuwel 11:5

Saawul buqreh addak awur gabat hayya heeh amaatuk suge. Too waqdi, «Maca tekkeeh? Sinam akah weqtam macaay?» iyye. Too waqdi Yaabesik yemeete mari baahe xaagu kaah warsen.

1 Samuwel 6:13

Beet-Semes magaalah mari YALLIH Qahdi addat akak yan Sandug temeete waqdi, goloh addal tooboke darok kamadi orbisak sugen. Garciik, wonnah wagga heen waqdi, Qahdih-Sandug yublen. A sandug elle tamaate inna yublen waqdi ruffa iyyen.

1 Samuwel 6:18

Woo hantuuti ceelok bicsen dahooba kaadu akah ruubeenim, woo koona malik abbah akak tan magaalooli migaaqal tiya tiyah bicseenimih sabbata. Oson abbobtih akak yeneenim, gaso maroh edde tan magaalooli kee gaso sinni gaandoodiy Filistiin rasul geytimtahiyya. Woo kaxxa xixxaqay Beet-Semes magaalal Yoosuwa deqsita numih buqreh addal woo saaku YALLIH Qahdih-Sandug bagul akak heenihiyya, woo saaku tekkeemih sumaaqah, a saaku fan wokkel elle yan.