1 Samuwel 5:10 - NABUWWA KEE MALIKWA

¹⁰ Tohih sabbatah woo sandug woo magaalak Ekron deqsita magaala fan ruuben. Ekron kaadu Filistiin magaalak ten. Too sandug tokke baahen waqdi, woo magaalah mari, «A mari nee qida'gidih, a Israayil doore Dageltih-Sandug nee fan baahaanah yanin» iyyeenih, uma-xaw keenit xaawen.

1 Samuwel 5:10 ပူးပေါင်းရင်းမြစ်များ

2 Samuwel 7:9

Atu gexinnaan ikke ko'lih gexak suge. Atu fooca fanah akah gutuqta'nnah, naqboytiitik qeebil koo aysiisuk suge. Uxih a addunyah bagul kaxxa migaq-gexxo le marak kaxxihii, kaxxa migaq kot heeyyo.

2 Malikwa 1:2

Israayil-malikih yen Malik-Acadya isi qarih amol yen qarik taagat boohaahik radeeh, kaxxam biyaakite. Too waqdi Filistiin-magaalay migaaqah Ekron deqsittahiyya Baqal-Dabub-deqsittaamay yalla 'yeenih yaqbudeenihiyyal woo biyaakak uram kee ure wayu waam esseraana'gidih, farmoh sinam ruube.

1 Aydaad 7:21

Tacataay Dabad xaleeh, Dabadaay Sutlac xale. Efrayim kaadu Qader kee Elqad xale'mmay, too namma num Gat-rasuh yooboke marak saq buubaana'gidih gexen saaku, Gat-mari ken qide.

Qaamus 1:8

Asdood kee Askalon deqsitta namma magaalal abbobtih yan mara qideyyo. Ekron magaalah maral gaba qideyyooh ken digaaleyyo. *Filistiin marak raqqa 'tem inkih bayele› Tah intam YALLAY Mulki lehiyya» 'yaanam iyye.

Qaamus 6:2

Kalne deqsitta magaala fanah gexay wokkel tanim ubula! Wokkek bisoh taturra 'xicay Camat deqsitta kaxxa magaala kee Gaat deqsitta magaalay Filistiin mari elle yanihiyya fanah gexay tanim ubula. Woo mari siinik maay yayseeh, ken baaxo sin baaxok maay taysee? Mataysa.

Yoosuwa 15:11

Tokkeek cuduud keenik Ekron magaalak kilbat le kabut raqta qale fan bacakkuh gexxa 'yaah, Sikkaron deqsitta magaalak Baqala deqsitta qaleh xaquk taturra 'yaah bisoh Yabneel deqsita arac fan yamaate. Cuduud keenik Maditraaniyah badat yaade.

Yoosuwa 15:45

Ekron kee tet dariifal tan magaalooli kee gaandoodiiy

Makaabon 1:18

Yuudah yooboke mari kaadu Gaada kee Askalon kee Ekron deqsitta magaalooli kee too magaaloolih dariifal tan baaxo yibbixen.

1 Samuwel 17:52

Israayil kee Yuudâ-mariiy deero abak lakat keenik arduk, Gat deqsitta magaalah culmeyna kee Ekron deqsitta magaalah culmeyna guffa haanam fan ken yeyredden. Filistiin-mari Saqrayimik Gat kee Ekron fan gexa gital tinnikissem kee madallah raqtem yekken.

1 Samuwel 5:11

Sarrak qagseenih woo Filistiin malikwah farmo ruubeeniih iyyeenimii, «A Sanduguy Israayil doore Dageltih-qahdi addat akak yanihiyya nee kee ni buxah mara akah ambaxe wayna'nnah, elle suggu 'ye ikke fan gacisa» iyyen. Yalli gibdi digaalah ken digaaleeh; tohuk gexxaamah inkih tan magaalah mari abam waagiseh qaxxaagiteenih.

1 Samuwel 5:9

Too magaala been waqdi, YALLI kaadu woo magaalat kaxxa ceya ruubeeh, idoola kee furraynat inkih laahi-baxxi dalka keenil oobise. Gibdi cunxo ken tibbixeh, adaadareenih.

1 Samuwel 6:1

YALLIH Qahdi addat akak yan Sandug *Filistiin rasul malcina alsih gide sugeek lakal,