1 Samuwel 4:9 - NABUWWA KEE MALIKWA

⁹ Bas, Filistiin maraw, agiira tika! Qeebil agiira akke wayteenik, oson ni naqoosah akah sugen innah, nanu kaadu ken naqoosa akkennom ixiga. Qeebil labha tikay maboolaatina bas» tittak iyyen.

1 Samuwel 4:9 ပူးပေါင်းရင်းမြစ်များ

2 Samuwel 10:12

Kaadu qagseh kaak iyyeemih, «Agiru tikay digga xic. Ninni mara kee ni Dageltih magaalah nagay yan qeebi abnaama. Ellecabol YALLI isih loowem akkele» iyye.

Yasaqya 14:2

Gersi-baaxoh-mari, Israayil marah isi baaxo fan yaduureeni'gidih cato abelon. Tokkel, YALLI isi le baaxol, woo marak labim kee sayim Israayil marih buxaaxih addal taamitelon. Duma Israayil mara qeebit yibbixeh suge mari, ta saaku ken gabat antixibbixele. Tonnal Israayil mari duma keenit xukkutak suge marak reedah amol gacelon.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Makaabon 10:7

Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee.

Makaabon 13:1

Israayil mari kaadu qagitak YALLIH garil dambi takkem baahen. Tohuk gexxaamah YALLI morootom sanatah Filistiin-mara abbootanah amol keenik hee.

1 Samuwel 14:21

Qibraan-maray duma isi mara cabba heeh, Filistiin-mara lih sugehiyya too saaku ken cabeh, isi mara fan yuduure. Saawul kee Yonaatan marat yengelen.

1 Samuwel 4:8

Ta way ta celeemah tan yallittek iyyi nee catele? Kamba tu nee tibbixeh tan! Aham duma Masri mara woo bacarih tan baaxol selte yallitte hinnaa!