1 Samuwel 4:3 - NABUWWA KEE MALIKWA

³ Israayilik rabak raaqe mari isinni aracah yuduuren waqdi, Israayil makaabon inteemih, «YALLI a saaku Filistiin mara qeebil nek akah yiysiisem macak tan kaay? Siilo fan gexxa inneh, YALLIH Qahdi addat akak yan Sandug bahnaama. Toh abnek, YALLI ne'lih aneleeh, ni naqboytiitik nee aysiisele» 'yaanam iyyen.

1 Samuwel 4:3 ပူးပေါင်းရင်းမြစ်များ

2 Samuwel 15:25

Tohuk lakal malik Saadukuk iyyemii, «Qahdi-Sandug magaala fan gacis. YALLI meqem yoh faxek, tet able'gidih is elle yok raqta arac ayrok teena yoo gacsele.

1 Aydaad 17:1

Tohuk wadir Malik Dawud buxah isi qaril yen. Ayrok teena nabi Naatanak iyyemii, «Anu akkel akah table'nnah, innih, sariidâ-cooxuk bicsen qarih addal ani'mmay, YALLIH Qahdih-Sandug uxih siraq addat yanik. Ahak maca abam tayse?» kaak iyye.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 58:3

Yok iyyaanamah, ‹Nek able waytek, macâ-sabbatah soomnaah? Atu baaqid net alle waytek, maca koh rammitnaa?› 'yaanam iyyan. Takkay immay anu keenik axceemih, ‹Soom abtan saaku, isin kaadu isinnih faxxeenim abtaanaah, siinih taamita marah cakki matacaan.

Yasaqya 59:1

YALLI ux-gabay sin aleele waytahiyya lem makkalina; catoh kaah sectan waqdi, ayti maliy aabbe waa makkalina.

Yasaqya 59:2

Sin akah aabbe waam, isin abtan umaaneh sabbata. Sin Dageltak sin tayxeerem, isin abtan dambi.

Ermiyaas 3:16

Tokkel waqlak wadir mangah amagguk elle tamaggeenimil, ummatta yi qahdih sandugut mayabta. Tohuk wadir tet kassitak maraaqaanaay, maqal edde luk maraaqan. Keenih xiqtam mali; wohoysa qagisak tet innah tan sandug mabicsan.

Ermiyaas 7:4

Makot sin beya marih yaabal maaminina. «Nanu dumaak waddiime mara kinninooh; YALLIH Qibaadah-Qari ah kaana; xaqul lino» 'yaanam kulli way maxcinaay; a qari sin wadelem makkalina› keenik inxic» yok iyye.

Yoosuwa 4:7

‹YALLIH-Qahdi-addat-akak-yan-Sandug Ordon weeqaytuk tabsen saaku, weeqayti lee solteeh; tonna leemiik a xeet kulli way Israayil marah akkel tekkeemih kassiisih heen xeeti› keenik inxica» iyye.

Yoosuwa 6:6

Too yab yoobbek lakal, Yoosuwa seekah seeceh annah keenik iyye. «YALLIH-Qahdih-Sandug beyaay malcina seekiy maruw gaysak bicsen baanta lehiyya foocat isinnik haa. ‹Woo Qahdih Sanduguk foocat gexa› keenik inxica» iyye.

Yoosuwa 7:7

Too waqdi Yoosuwa iyyeemih, «YALLAW, Mulki le Dageltaw, fiiruk Ordon weeqaytuk macah nee tabisse? Akke macah nee bahte? Amoorâ-marih gabal nee hayta'gidih nee maay bahte? Hay, nee bayissa'gidih nee maay bahte? Ahak Ordon weeqaytuk woo qaxal raqnam neh ayse rarte.

Yoosuwa 7:8

Taway Goytaw, Israayil mari naqboytiitik yoowweh yanik, anu maca abbasitu!

1 Samuwel 1:24

Sarrak anguk kaa mollasse saaku, Siilo fan kaa beyte. Gabat kaadu sidooca karmat yan awur kee, darok tabna kiilo kee, qinabak bicsen kamrik kibuk yan saar luk gexxe. Samuwel Siilol yan YALLIH Qibaadah-Qari fan been saaku qunxuk yen.

1 Samuwel 14:18

Sarrak Saawul Aciiya deqsita numuy seekih yanik, «Yallih Qahdi addat akak yan Sandug bah» iyye. Too ayro, Yallih Qahdi addat akak yan Sandug Israayil qaskar elle tinfiddigeh ten aracal yen.

1 Samuwel 4:2

Filistiin mari qeebi keenit abeeh; kaxxa qeebi ken fanal akkuk sugek lakal, Filistiin mari qeebil keenik yeyseeh, too qeebil Israayilik affara alfih num qiden.