1 Samuwel 4:19 - NABUWWA KEE MALIKWA

¹⁹ Qeli-baxay Fincas deqsitahiyyak barra soolimah teneeh; xalay teetit xayyooweh yen. Is Yallih Qahdi addat akak yan Sandug yintixibbixeeh, tet ballu kee baqala rabtem toobbe waqdi, lacawat raddeh xalteh.

1 Samuwel 4:19 ပူးပေါင်းရင်းမြစ်များ

1 Malikwa 14:1

Too saaku Yarobqam baxi lakmise. Usuk Abiyya deqsitak yen.

Ermiyaas 26:6

ama qariy yi qibaadah xiseenihiyya Siiloh innah hayya heeyyo. A magaala foyya abba heeh; sarra teetit tekkem yubleeh yoobbe mari itta abaara waqdi, «Woo magaalat tekkem siinit takkay» axcuk, abaaroh tet haysitelon› 'yaanam keenik inxic» yok iyye.

1 Samuwel 4:18

«Yallih-Qahdih-Sandug beenih» kaak iyye waqdi, elle suge korsik magaala akak culan afah garil deerih rade. Idoolinni kaat yemeeteh yeneeh, xagar kaak kaadu gabuleh yeneeh; filli kaak yiddigilleh, edde rabe. Israayil mara morootom sanatah miraaciseh suge.

1 Samuwel 4:20

Too waqdi rabi teetit xayyoowem yublen waqdi, woo tet xalisak suge agbi, «Mameysitin lab baxa xaltek» teetik iyye. Takkay immay is aham maabbinnay tu elle magacisinna.