1 Samuwel 31:8 - NABUWWA KEE MALIKWA

⁸ Qeebi gaba kalek lakal, ciggilta ayro, Filistiin mari qeebit rabe marak duyye seelebaana'gidih yemeeten waqdi, Saawul kee kay xayloh sidocuy Gilbowaq-qaleh amol qangalaalot tanihiyya keenih sugte.

1 Samuwel 31:8 ပူးပေါင်းရင်းမြစ်များ

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

2 Samuwel 1:21

«Gilbowaq qaleelaw, rob siinil rade waay! Rob kee buqre ken booxaaxal able waynay. A abaaro akah axceemih akah abamaa, agiira le goobwa wanna maleh raqte. Tohum qax-umaane kinnih waaga mali. Saawuluk gob saliid duugo geyah mayan.

1 Aydaad 10:8

Qeebi gaba kalek lakal ciggilta ayro Filistiin mari qeebit rabe marak duyye seelebaana'gidih yemeeten waqdi, Saawul kee kay xayloh sidocuy Gilbowaq-qaleh amol qangalaylut tanihiyya keenih sugte.

2 Aydaad 20:25

Toh yublen waqdi, Yacoosafat kee kay qaskar ken fanah gexxeeh, keenik raqte duyye buuben. Mango laa kee maaqiddaay, sartan kee, wohuk kalah tan duyyey mango tuxxiq lehiyya keenit geen. Sidooca ayro too duyyeh gaaboysat sugeeniih, ellecaboh duyyê-mangak gexxaamah onkoysoonu efferra heenih elle caben.

1 Samuwel 28:4

Filistiin qaskar gaabowwa 'teh temeeteeh, Suunem deqsita aracal yinfiddigen. Saawul isi qaskar gaabossa heeh, Gilbowaq deqsitta qaleh xaqul yinfiddigen.

1 Samuwel 31:7

Israayil maray Yidraqel-Daqarak woo qaxa raqta baaxo kee, Ordon weeqaytuk ayrô-mawqa le kabut raqta baaxol yeneenihiyya, qaskar kuddeh Saawul kee xaylo kaadu qideenih, 'yaanam yoobben. Too waqdi isinni magaalooli cabba heenih kuden. Sarrak Filistiin-mari yemeeteh woo magaalooli keenik yibbixen.

1 Samuwel 31:9

Too waqdi Saawuluk moyya yirgiqeeniih, seef kee birtak bicsen duyyey xagarat mudum waasoh haanahiyya kaak seelebeenih. Yalla 'yeenih yaqbuden duyyeeyay sahda gabak bicissehiyya elle yaqbuden qaril yan mara kee, isinni ummatah a xaagu warisu waa mara ruuben. Too mari ta xaagu beya'gidih gexeeh, a xaagu ummatat qiden.