1 Samuwel 31:6 - NABUWWA KEE MALIKWA

⁶ Saawul kee furraynu tonnal rabteeh, kay xayloh sidoc kaadu too ayrot rabe. Saawul mari titta lih too ayrot rabe.

1 Samuwel 31:6 ပူးပေါင်းရင်းမြစ်များ

2 Samuwel 1:1

Saawul rabek sarra, Dawud Qamaalek marak edde yeyse qeebik yuduureeh; Xiklag deqsita aracal namma ayro suge.

2 Samuwel 1:12

Sarrak kaxxa rookah rookiteenih weeqeenih, magrib tikka 'yam fanah, Saawul kee Saawul baxih raba kee Israayil mara kee YALLIH qaskaray qeebit rabtehiyyah rookah soomuh asen.

1 Aydaad 10:6

Tonnal Saawul kee Saawul lab-xayloh sidoc inkih rabteeh; kay dardaarinni tokkel gaba kale.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

1 Samuwel 11:15

Too waqdi yakkeenimik Gilgal fan gexen. Tokkel woo taahirik yen aracal, Saawul ken malik kinnim diggoysen. Sarrak amaanah xiinaanamih astah aban sadgat YALLAH aben. Saawul kee raqqa 'ye Israayil mari inkih too ayro tekkem yessekexxeenih.

1 Samuwel 12:17

Away edde nanim rob edde yamaate wakti hinna'mmay, taway anu YALLA esserak, ‹YALLAW, kakkaqo kee rob rub› axceyyooh; YALLI too waqdi kakkaqo kee rob ruubele. Tah takku wayta waqdi YALLAK, ‹Malik neh reedis› inteeniih, tohul YALLAL dambi lem bahteenim isinnik aaxigetton» iyye.

1 Samuwel 12:25

Dambit bisoh inteenik, sin kee sin malik inkih bayselem ixiga» keenik iyye.

1 Samuwel 26:10

Tonna'mmay YALLI Saawul amrih qide kee carbit qide akkeleemih YALLAY waarahiyyah migaaqal xiibita. YALLI isih kaa aatukeleh immay,

1 Samuwel 28:19

Koo kee Israayil mara Filistiin marih gabal hee. Beera koo kee ku xaylo yo'lih gacetton. YALLI Israayil qaskar Filistiin marih gabal heele» 'yaanam iyye.

1 Samuwel 31:5

Taaxige furrayni Saawul rabem yuble waqdi, usuk kaadu isi seef siibeh isit heeh edde rabe.

1 Samuwel 31:7

Israayil maray Yidraqel-Daqarak woo qaxa raqta baaxo kee, Ordon weeqaytuk ayrô-mawqa le kabut raqta baaxol yeneenihiyya, qaskar kuddeh Saawul kee xaylo kaadu qideenih, 'yaanam yoobben. Too waqdi isinni magaalooli cabba heenih kuden. Sarrak Filistiin-mari yemeeteh woo magaalooli keenik yibbixen.