1 Samuwel 31:4 - NABUWWA KEE MALIKWA

⁴ Too waqdi silac kaah akkuquk suge furraynuh yan numuk, «A diini-maleelah tan Filistiin ummatta yoo qiddeh yol tirtirissaamak, ama tikyat lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

1 Samuwel 31:4 ပူးပေါင်းရင်းမြစ်များ

2 Samuwel 1:1

Saawul rabek sarra, Dawud Qamaalek marak edde yeyse qeebik yuduureeh; Xiklag deqsita aracal namma ayro suge.

2 Samuwel 1:14

Dawud qagseh kaak iyyeemih, «Hay meqek, atu YALLI doore malik elle qiddu tilliilem manna?» kaak iyye. Sarra Dawud, «Abte umaane kol tuduureh, isih abte umaaneh isih warisseeh, YALLI doore malik, ‹Anu qide› 'yaanam inte» kaak iyye. Too waqdi isi marih numuh secca 'yeh, «A awka qid!» iyye. Woo num kaa yootokeeh awki edde rabe.

2 Samuwel 1:20

Ken raba Filistiin-baaxol mawarsina. Rabat keenik Gat magaalal mayaabinaay Askeloonul gitak addal mawarsina. Filistiin agbih qangaasal nee maabina. Yalla sinniih diini sinni ken say xaylo, nel africeey nel asuule ken kallaama.

2 Samuwel 1:6

Awki kaal gacseemih, «Gilbowaq qaleh amol suge waqdi, Saawul macaxul qekuh yaniih, naqboytit carbi edde aban gaariira kee faariisah amot gacca 'teh kaa fan amaatuk sugtem uble.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

2 Samuwel 21:12

Gilqad rasul tan Yaabes-magaalal yan mara fan gexxa 'yeh, Saawul kee Saawul baxa Yonaatan lafa baaheh. Gilqad mari Saawul kee baxi lafa akak baaheenim, Filistiin-mari Gilbowaq-qaleh amol ken qide saaku, elle ken takareh suge Beet-San deqsitta magaalak gudek teneeh; tokkek garqeenih baahen. Filistiin-mari Saawul kee kay baxa Yonaatan qidda heenik lakal, lafa keenik too magaalal takreenih yenen.

1 Malikwa 16:18

Dimri, magaala yibbixeenim yuble waqdi, malik elle gaca qarik iqiyat edde rebsiman golit culeeh qarit gira ruube. Too girat carareh edde rabe.

1 Malikwa 16:27

Tohuk kalah taniimiy Qomri abehiyya kee abinak edde assa 'yem Israayil-Malikwah-Aydaada deqsita kitaabih addal tan.

1 Aydaad 10:4

Too waqdi silac kaah akkuquk suge furraynuh yan numuk iyyeemih, «A diini-maleelah tan Filistiin ummatta yoo qiddeh yol tirtirissaamak, ama tikyal lito seefit yoo qid» kaak iyye. Takkay immay woo furrayni seefit kaa qidu meysih yeffereh. Toh yuble waqdi Saawul isi seef siibba heeh is edde qide.

Makaabon 14:3

Kay ina kee abba kaak inteemih, «Rihimih woo *Filistiin-maray diini-maleelah yanihiyya fan maca koo beyta? Akkel isi gulubih addal, hinnay kaadu, ni marih addal baxuwwa waytee?» kaak iyyen. Samsoon isi abbak iyyeemih, «Anu yoh bahtam kok faxam, too awkáay; yikcineh» kaak iyye.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

1 Samuwel 14:6

Yonaatan woo furraynuy kaa'lih yanik iyyemii, «A *Filistiiniy diini-maleelah tanihiyya elle tani'kke fan nee bey. YALLI nee catam takkehik, dagnah faxeh gide nakke'mmay YALLI isih faxek, keenik nee aysiisele» iyye.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.

1 Samuwel 26:10

Tonna'mmay YALLI Saawul amrih qide kee carbit qide akkeleemih YALLAY waarahiyyah migaaqal xiibita. YALLI isih kaa aatukeleh immay,

1 Samuwel 31:5

Taaxige furrayni Saawul rabem yuble waqdi, usuk kaadu isi seef siibeh isit heeh edde rabe.