1 Samuwel 30:16 - NABUWWA KEE MALIKWA

¹⁶ Sarrak woo awki Dawud wokke fan bee. Taaxige gaadileey Filistiin kee Yuudâ marak mango duyye buubeenih yeneeniih; tohih sabbatah fixixih kulli aracal makmo kee maaqabat yenen.

1 Samuwel 30:16 ပူးပေါင်းရင်းမြစ်များ

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

1 Aydaad 4:43

Oson Qamaalekih yooboke maray too qaleela le baaxo fan kudehiyya inkih qideenih, a saaku fanah too baaxol elle yanin.

Yasaqya 22:13

Siinih tu gactekii, Yalli siinik aba iyyem cabba hayteenih digir kee farcit culten. Laa kee illi usgudda hayteenih cado akak tokmen. Qinabak bicissen kamrih maqabat gacten. «Beeraak rabennok, a saaku nakamay naaqubay» inten.

Yasaqya 9:3

YALLAW, ken teyderreh mango mara ken abetto. Kaxxam ruffu ken heetto. Sahda buqrek daro orbissa waqdi kee dannabah orbiseenim kurrasitan waqdi elle wallitan gurral, ku foocal wallitelon.

Makaabon 8:11

Gidqoon, Nobac kee Yogbaha deqsitta aroocak ayrô-mawqa le kabul yan gitay arho edde gacak gexehiyya katayak, ken qaskaray cube waak sugtehiyya garciik yibbixe.

1 Samuwel 30:14

Yuudâ-baaxok gabbi-qaxat raqta baaxoy Kereet mari elle yani gaadneeh, kaadu Kaalib deqsita gulubih baaxo gaadneh, Xiklag-magaala cararisneh» iyye.

1 Samuwel 30:15

Dawud too waqdi, «Hay woo gaadile fan yoo beettoo?» kaak iyye. Awki kaal gacsemii, «Yallih migaaqal yoo qide waytuuy, hinnay kaadu, yi abbah gabal yoo hee waytuh Yalla-kee-xagana yoh cultek, ken fan sin beeyyo» kaak iyye.